Boat SmartRing: “ಬೋಟ್‌ ಸ್ಮಾರ್ಟ್‌ರಿಂಗ್‌” ಬಿಡುಗಡೆ

ಖ್ಯಾತ ಗ್ಯಾಜೆಟ್‌ ತಯಾರಕ ಸಂಸ್ಥೆ ಬೋಟ್‌ ತನ್ನ ಅತ್ಯಾಧುನಿಕ “ಬೋಟ್‌ ಸ್ಮಾರ್ಟ್‌ ರಿಂಗ್‌’ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಸ್ಮಾರ್ಟ್‌ ವಾಚ್‌ಗಳ ಟ್ರೆಂಡ್‌ ನಡುವೆಯೇ, 8,999 ರೂ. ಬೆಲೆಯ ಈ ಸ್ಮಾರ್ಟ್‌ರಿಂಗ್‌ ಗ್ರಾಹಕರ ಗಮನ ಸೆಳೆದಿದೆ.

ಮೊಬೈಲ್‌ಗ‌ಳಲ್ಲಿ ಬೋಟ್‌ ರಿಂಗ್‌ ಆ್ಯಪ್‌ ಡೌನ್‌ಲೋಡ್‌ ಮಾಡುವ ಮೂಲಕ ಈ ಉಂಗುರಕ್ಕೆ ಕಮಾಂಡ್‌ ಸೆಟ್ಟಿಂಗ್‌ ಮಾಡಬಹುದಾಗಿದೆ. ಹಾಡುಗಳನ್ನು ಪ್ಲೇ, ಪಾಸ್‌, ಚೇಂಜ್‌ ಮಾಡುವ ಹಾಗೂ ಫೋಟೋಗಳನ್ನು ವೀಕ್ಷಿಸುವ ಫೀಚರ್‌ ಅನ್ನು ಸ್ಮಾರ್ಟ್‌ ರಿಂಗ್‌ ಹೊಂದಿದೆ. ಸೆನ್ಸರ್‌ ಟಚ್‌ ಇರುವ ಈ ರಿಂಗ್‌ ಹಾರ್ಟ್‌ರೇಟ್‌ ಮಾನಿಟರಿಂಗ್‌ ಜತೆಗೆ ಹೆಣ್ಣು ಮಕ್ಕಳಿಗಾಗಿ ಋತುಚಕ್ರದ ದಿನಾಂಕ ನೆನಪಿಸುವ ಫೀಚರ್‌ ಅನ್ನೂ ಒಳಗೊಂಡಿದೆ.