ಕೊಟೇಲು ಪ್ರದೇಶದಲ್ಲಿ ಭೂ ಕುಸಿತ: ಲೋಕೋಪಯೋಗಿ ರಸ್ತೆ ಬಂದ್

ಬೆಟ್ಟಂಪಾಡಿ : ಕಳೆದ ಕೆಲವು ದಿನಗಳಿಂದ ಸುರಿಯುತ್ತಿರುವ ಭಾರೀ ಮಳೆಗೆ ನಿಡ್ಪಳ್ಳಿ ಗ್ರಾಮದ ಕೊಟೇಲು ಎಂಬಲ್ಲಿ ಭೂ ಕುಸಿತ ವಾಗುತ್ತಿದ್ದು ವಾಹನ ಸಂಚಾರವೇ ದುಸ್ತರವಾಗಿದೆ.

ಮುನ್ನೆಚ್ಚರಿಕೆ ಕ್ರಮವಾಗಿ ರೆಂಜ ಪಟ್ಟೆ ಕೌಡಿಚ್ಚಾರು ಲೋಕೋಪಯೋಗಿ ರಸ್ತೆಯ ಕುಕ್ಕುಪುಣಿಯಿಂದ ಸುಮಾರು 200ಮೀ ರಸ್ತೆಯಲ್ಲಿ ಸಂಚಾರ ನಿಬ೯ಂಧಿಸಲಾಗಿದೆ.

ಭೂ ಕುಸಿತದ ಸ್ಥಳದಲ್ಲಿ ರಸ್ತೆ ಮೇಲೆ ಮಣ್ಣು ಮಳೆ ನೀರಿಗೆ ಕೊಚ್ಚಿ ಕೊಂಡು ಹೋಗುತ್ತಿದೆ. ಕಳೆದ ಬೇಸಿಗೆಯಲ್ಲಿ ಕಟ್ಟಿದ ತಡೆಗೋಡೆಯ ಕೆಳಗಿನ ಭಾಗ ಕುಸಿಯುವ ಭೀತಿಯಲ್ಲಿದೆ.

ಸ್ಥಳಕ್ಕೆ ಲೋಕೋಪಯೋಗಿ ಇಲಾಖೆಯ ಇಂಜಿನಿಯರ್ ಪ್ರಮೋದ್, ಪೊಲೀಸರು, ಪಂಚಾಯತ್ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.