Kushtagi: ದೇವಸ್ಥಾನಕ್ಕೆ ಹೋಗಿದ್ದ ತಾಯಿ-ಮಗಳು ಏಕಾಏಕಿ ನಾಪತ್ತೆ

ಕುಷ್ಟಗಿ:ಕುಷ್ಟಗಿ ಪಟ್ಟಣದ ವಾಸವಿ ದೇವಸ್ಥಾನಕ್ಕೆ ಹೋಗಿ ಬರುವುದಾಗಿ ಹೇಳಿ ಹೋಗಿದ್ದ ತಾಯಿ ಮತ್ತು ಮಗಳು ಏಕಾಏಕಿ ನಾಪತ್ತೆಯಾಗಿರುವ ಪ್ರಕರಣ ಬೆಳಕಿಗೆ ಬಂದಿದೆ.

ಕುಷ್ಟಗಿ ಪಟ್ಟಣದ ನಾಯಕವಾಡಿ ಓಣಿಯ ಗವಿಸಿದ್ದಪ್ಪ ಬ್ಯಾಳಿ ಅವರ ಪತ್ನಿ ಸೌಮ್ಯ(26) ಹಾಗೂ 7 ವರ್ಷದ ಜಾಹ್ನವಿ ಕಳೆದ ಅ.17ರಿಂದ ಕಾಣೆಯಾಗಿದ್ದಾರೆ. ಕಾಣೆಯಾದ ಪತ್ನಿ ಹಾಗೂ ಮಗಳಿಗಾಗಿ ಹುಡುಕಾಡಿದರೂ ಪತ್ತೆಯಾಗದ ಹಿನ್ನೆಲೆಯಲ್ಲಿ ಸ್ಥಳೀಯ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ನಾಪತ್ತೆಯಾದ ಮಹಿಳೆ ಹಾಗೂ ಮಗು ಪತ್ತೆಯಾದಲ್ಲಿ ಕುಷ್ಟಗಿ ಪೊಲೀಸ್ ಠಾಣೆ 08536-267033 ಸಂಪರ್ಕಿಸಲು ಕೋರಲಾಗಿದೆ.