ಕುಕ್ಕೆ: ಮಲೆಕುಡಿಯ ನಿವಾಸಿಗಳಿಂದ ಶ್ರೀಕೃಷ್ಣ ಜನ್ಮಾಷ್ಟಮಿ ಆಚರಣೆ

ಸುಬ್ರಹ್ಮಣ್ಯ: ಧಾರ್ಮಿಕ ಪುಣ್ಯಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಪೂರ್ವ ಶಿಷ್ಟ ಸಂಪ್ರದಾಯದಂತೆ ಆದಿವಾಸಿ ಮಲೆಕುಡಿಯ ಜನಾಂಗದ ವತಿಯಿಂದ ಶ್ರೀಕೃಷ್ಣ ಜನ್ಮಾಷ್ಟಮಿ ಆಚರಣೆ ಸೋಮವಾರ ನಡೆಯಿತು. ಮಲೆ ಕುಡಿಯ ಮೂಲ ನಿವಾಸಿಗಳು ಕಾಶಿಕಟ್ಟೆ ಶ್ರೀ ಗಣಪತಿ ದೇವಸ್ಥಾನದಿಂದ ಕೃಷ್ಣ ದೇವರನ್ನು ಪಲ್ಲಕಿಯಲ್ಲಿ ಹೊತ್ತು ದೇಗುಲಕ್ಕೆ ಕರೆತಂದರು.

ಬಳಿಕ ಶ್ರೀ ಸುಬ್ರಹ್ಮಣ್ಯ ದೇಗುಲದ ಹೊರಾಂಗಣದಲ್ಲಿ ಪಲ್ಲಕಿ ಉತ್ಸವ ನೆರವೇರಿತು. ರಥಬೀದಿ ಹಾಗೂ ಮುಖ್ಯ ಪೇಟೆಯಲ್ಲಿ ಮೊಸರು ಕುಡಿಕೆ ಉತ್ಸವ ನೆರವೇರಿತು. ನಾಗೇಶ ಎ.ವಿ. ಮಲೆಕುಡಿಯ, ದೇಗುಲದ ವ್ಯವಸ್ಥಾಪನ ಸಮಿತಿ ಸದಸ್ಯ ಮಾಧವ ಡಿ., ದೇಗುಲದ ಕಚೇರಿ ಮುಖ್ಯಸ್ಥ ಬಾಲಸುಬ್ರಹ್ಮಣ್ಯ ಭಟ್‌ ಉಪಸ್ಥಿತರಿದ್ದರು.