ನಾಡಿನಾದ್ಯಂತ ಶ್ರದ್ಧಾ ಭಕ್ತಿಯ ಶ್ರೀ ಕೃಷ್ಣ ಜನ್ಮಾಷ್ಟಮಿ;ವಿಶೇಷ ಪೂಜೆ

 ಬೆಂಗಳೂರು /ಉಡುಪಿ: ದೇಶಾದ್ಯಂತ ಭಾನುವಾರ ಶ್ರೀ ಕೃಷ್ಣ ಜನ್ಮಾಷ್ಟಮಿ ಸಂಭ್ರಮ ಕಳೆಗಟ್ಟಿದ್ದು,ರಾಜ್ಯದಲ್ಲಿ  ಕೊಡಗು ವಿಕೋಪದ ಹಿನ್ನಲೆಯಲ್ಲಿ  ಸರಳವಾಗಿ ಆಚರಿಸಲಾಗುತ್ತಿದೆ. 

ಕೃಷ್ಣನ ದೇವಾಲಯಗಳಲ್ಲಿ ವಿಶೇಷ ಪೂಜಾ ವಿಧಿ ವಿಧಾನಗಳು ನಡೆಯುತ್ತಿವೆ. ಕೃಷ್ಣ ನಗರಿ ಉಡುಪಿಯಲ್ಲಿ ಈ ಬಾರಿ ಕೊಡಗು ಮಳೆ ಹಾನಿಯ ಹಿನ್ನಲೆಯಲ್ಲಿ  ವಿಜೃಂಭಣೆಯಿಲ್ಲದೆ  ಆಚರಿಸಲಾಗುತ್ತಿದೆಯಾಗದರೂ ಹುಲಿವೇಷಗಳು ಮತ್ತು ವಿವಿಧ ವೇಷಧಾರಿಗಳ ತಂಡಗಳು ಮೆರುಗು ಹೆಚ್ಚಿಸಿವೆ. 

ಬೆಂಗಳೂರಿನ ಇಸ್ಕಾನ್‌ ದೇಗುಲ ವಿಶೇಷವಾಗಿ ಅಲಂಕೃತವಾಗಿದ್ದು, ಸಾವಿರಾರು ಭಕ್ತರು ಸೇರಿದ್ದು ವಿಶೇಷ ಪೂಜೆ, ಪ್ರಾರ್ಥನೆ ಮತ್ತು ಭಜನೆಗಳನ್ನು ನಡೆಸಲಾಗುತ್ತಿದೆ. 

 ಉಡುಪಿಯಲ್ಲಿ  ರಾತ್ರಿ 11.48ಕ್ಕೆ ಶ್ರೀಕೃಷ್ಣ ಮಠದ ತುಳಸೀಕಟ್ಟೆಯಲ್ಲಿ ಶ್ರೀಕೃಷ್ಣಾರ್ಘ್ಯ  ಪ್ರದಾನ ನಡೆಯಲಿದೆ. ನಾಳೆ  ಶ್ರೀಕೃಷ್ಣ ಲೀಲೋತ್ಸವ ನಡೆಯಲಿದೆ. 

ನಾಡಿನಾದ್ಯಂದ ಮುದ್ದು ಕೃಷ್ಣ ವೇಷ ಸ್ಪರ್ಧೆ ಆಯೋಜಿಸಲಾಗಿದ್ದು ಪುಟಾಣಿಗಳು ಕೃಷ್ಣನಂತೆ ಕಂಗೊಳಿಸುತ್ತಿದ್ದಾರೆ.