Advertisement
ರೈಲಿಗೆ ಕಾಯುವವರು ವಿಶ್ರಾಂತಿ ಪಡೆಯಲು ಈ ವಿಶ್ರಾಂತಿ ಗೃಹ ನಿರ್ಮಿಸಲಾಗಿದೆ. ಇದು ಐಷಾರಾಮಿ ಕೊಠಡಿಗಳನ್ನು ಹೊಂದಿದೆ. ತಲಾ ಎರಡು ಡಬಲ್‌ ಬೆಡ್‌ಗಳನ್ನು ಒಳಗೊಂಡ ಎರಡು ಕೊಠಡಿಗಳು ಮತ್ತು ಆರು ಸಿಂಗಲ್‌ ಬೆಡ್‌ಗಳನ್ನು ಒಳಗೊಂಡಿರುವ ಒಂದು ಕೊಠಡಿ ಇದೆ. ಇಲ್ಲಿ ಸುರಕ್ಷಿತವಾಗಿ ವಿಶ್ರಾಂತಿ ಪಡೆದುಕೊಳ್ಳಬಹುದು. ಐಆರ್‌ಸಿಟಿಸಿ ವೆಬ್‌ಸೈಟ್‌ ಮೂಲಕ ಅಥವಾ ನೇರವಾಗಿ ಫ್ರೆಶ್‌ ಅಪ್‌ ಕೌಂಟರ್‌ಗೆ ಬಂದು ಈ ಕೊಠಡಿಗಳ ಬುಕ್ಕಿಂಗ್‌ ಮಾಡಬಹುದು. ಇದೇ ರೀತಿಯ ವಿಶ್ರಾಂತಿ ಕೊಠಡಿಗಳನ್ನು ಮಡ್ಗಾಂವ್‌ ಮತ್ತು ತಿವಿಂ ನಿಲ್ದಾಣಗಳಲ್ಲಿಯೂ ಆರಂಭಿಸಲಾಗುವುದು’ ಎಂದರು.
ಈ ಕೊಠಡಿಗಳು ಸಂಪೂರ್ಣ ಹವಾ ನಿಯಂತ್ರಿತವಾಗಿದ್ದು 1 ಗಂಟೆಯಿಂದ ಆರಂಭಿಸಿ 24 ಗಂಟೆ ಕಾಲ (ರೈಲು ಬರಲು ಇರುವ ಅವಧಿ ಪರಿಗಣಿಸಿ) ತಂಗಲು ಅವಕಾಶವಿದೆ. ಗಂಟೆಗೆ ಅನುಗುಣವಾಗಿ ಪಾವತಿಸಬೇಕು ಎಂದು ಅಧಿಕಾರಿಗಳು ತಿಳಿಸಿದರು. ಐಆರ್‌ಸಿಟಿಸಿ ಹೆಚ್ಚುವರಿ ಮಹಾಪ್ರಬಂಧಕ ರಾಜೇಶ್‌ ರಾಣಾ, ಕೊಂಕಣ ರೈಲ್ವೇ ಮಂಗಳೂರು ವಿಭಾಗದ ಪ್ರಾದೇಶಿಕ ಸಂಚಾರ ವ್ಯವಸ್ಥಾಪಕ ಎಸ್‌. ವಿನಯ ಕುಮಾರ್‌, ಸಾರ್ವಜನಿಕ ಸಂಪರ್ಕ ವಿಭಾಗದ ವ್ಯವಸ್ಥಾಪಕಿ ಕೆ. ಸುಧಾ ಕೃಷ್ಣಮೂರ್ತಿ, ಫ್ರೆಶ್‌ ಅಪ್‌ನ ಸಿಇಒ ವಿನಿಲ್‌ ರೆಡ್ಡಿ, ಫ್ರೆಶ್‌ ಅಪ್‌ ಎಚ್‌ಆರ್‌ನ ಬಿಂದು ರಾಮಾವತ್‌, ಫ್ರೆಶ್‌ ಅಪ್‌ ಆಪರೇಷನ್ಸ್‌ ವಿಭಾಗದ ಸಂದೇಶ್‌ ರೆಡ್ಡಿ, ಸೂಪರ್‌ವೈಸರ್‌ ಕುನಾಲ್‌ ವಾಕೆ ಉಪಸ್ಥಿತರಿದ್ದರು.