ಪಾನ್‌ ಮಸಾಲಾ ಪ್ಯಾಕೆಟ್‌ನೊಳಗೆ ಡಾಲರ್‌ ನೋಟ್‌!- ವಿಡಿಯೋ ವೈರಲ್

ಕೋಲ್ಕತಾ: ಪಾನ್‌ ಮಸಾಲಾದ ಪ್ಯಾಕೆಟ್‌ಗಳ ಒಳಗೆ ಡಾಲರ್‌ ನೋಟ್‌ಗಳನ್ನು ತುಂಬಿಕೊಂಡು ಪಶ್ಚಿಮ ಬಂಗಾಳದ ಕೋಲ್ಕತಾ ವಿಮಾನ ನಿಲ್ದಾಣದಿಂದ ಬ್ಯಾಂಕಾಕ್‌ಗೆ ತೆರಳಲು ಅಣಿಯಾಗಿದ್ದ ವ್ಯಕ್ತಿಯನ್ನು ಕೋಲ್ಕತಾ ಕಸ್ಟಮ್ಸ್‌ ಅಧಿಕಾರಿಗಳು ಬಂಧಿಸಿದ್ದಾರೆ.

ಆತನಿಂದ 40,000 ಅಮೆರಿಕನ್‌ ಡಾಲರ್‌(32 ಲಕ್ಷ ರೂ.) ವಶಪಡಿಸಿಕೊಂಡಿದ್ದಾರೆ. 10 ಡಾಲರ್‌ ಮುಖಬೆಲೆಯ ಎರಡು ನೋಟುಗಳಲ್ಲಿ ಪಾನ್‌ ಮಸಲಾ ಪೌಡರ್‌ ಇಟ್ಟು, ಅದನ್ನು ಅಚ್ಚುಕಟ್ಟಾಗಿ ಮಡಚಿ, ನಂತರ ಪಾನ್‌ ಕವರ್‌ ಪಾಕೆಟ್‌ನಲ್ಲಿ ಗೊತ್ತಾಗದಂತೆ ಸೀಲ್‌ ಮಾಡಲಾಗಿತ್ತು.

ವಲಸೆ ಪ್ರಕ್ರಿಯೆ ಪೂರ್ಣಗೊಳ್ಳುತ್ತಿದ್ದಂತೆ ಈ ಬಗ್ಗೆ ವಾಯು ಗುಪ್ತಚರ ಘಟಕವು(ಎಐಯು) ಕಸ್ಟಮ್ಸ್‌ ಇಲಾಖೆಗೆ ಮಾಹಿತಿ ನೀಡಿದೆ. ನಂತರ ಅಧಿಕಾರಿಗಳು ಆರೋಪಿಯನ್ನು ಬಂಧಿಸಿದ್ದಾರೆ.