ಕ್ರೀಡಾಂಗಣದಲ್ಲೇ ಕೊನೆಯುಸಿರೆಳೆದ ಕೋಲ್ಕತಾ ಕ್ರಿಕೆಟಿಗ

ಕೋಲ್ಕತಾ: ಬೆಂಗಾಲ್‌ ಕ್ರಿಕೆಟ್‌ ಸಂಸ್ಥೆ ವತಿಯಿಂದ ಆಯೋಜಿಸಲ್ಪ ಸೆಕೆಂಡ್‌ ಡಿವಿಷನ್‌ ಕ್ರಿಕೆಟ್‌ ಲೀಗ್‌ ವೇಳೆ ಕ್ರೀಡಾಂಗಣದಲ್ಲೇ ಆಟಗಾರನೊಬ್ಬ ದುರಂತ ಸಾವಿಗೀಡಾದ ಘಟನೆ ನಡೆದಿದೆ. 22 ವರ್ಷದ ಸೋನು ಯಾದವ್‌ ಮೃತಪಟ್ಟ ದುರ್ದೈವಿ.

ಬಾಲಿಗಂಜ್‌ ನ್ಪೋರ್ಟಿಂಗ್‌ ಕ್ಲಬ್‌ ಪರ ಸೋನು ಯಾದವ್‌ ಆಡುತ್ತಿದ್ದರು. ಬುಧವಾರ ಕೀಪಿಂಗ್‌ ನಡೆಸುತ್ತಿದ್ದ ವೇಳೆ ಹಠಾತ್‌ ಕುಸಿದು ಬಿದ್ದಿದ್ದಾರೆ. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಆಗಲೇ ಅವ ನಿಧನರಾಗಿದ್ದರು ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ. ಕೆಲವು ವರ್ಷಗಳ ಹಿಂದೆ ಬಂಗಾಲ್‌ ಕ್ರಿಕೆಟಿಗ ಅಂಕಿತ್‌ ಶರ್ಮ ಕೂಡ ಇದೇ ರೀತಿ ಕುಸಿದು ಬಿದ್ದು ಸಾವಿಗೀಡಾಗಿದ್ದರು.