ನೃತ್ಯದ ಮೂಲಕ ಅಂಗಾಂಗ ದಾನದ ಅರಿವು

ಬೆಂಗಳೂರು: ಅಂಗಾಂಗ ದಾನದ ಬಗ್ಗೆ ನೃತ್ಯದ ಮೂಲಕ ಅರಿವು ಮೂಡಿಸುವ ಲಾರ್ಡ್ಸ್‌ ವಿಜಯ ನೃತ್ಯ ತಂಡದ ಕಾರ್ಯ ಗಮನಸೆಳೆಯಿತು. ಭಾನುವಾರ ಮಹಾತ್ಮಗಾಂಧಿ ರಸ್ತೆಯ ಲಿಡೋ ಮಾಲ್‌ ಆವರಣದಲ್ಲಿ ತಂಡದ ಸದಸ್ಯರು ನೃತ್ಯ ಮಾಡುವ ಮೂಲಕ ನೆರೆದಿದ್ದವರಲ್ಲಿ ಅಂಗಾಂಗ ದಾನದ ಬಗ್ಗೆ ಅರಿವು ಮೂಡಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಮಾಲ್‌ನ ರಾಬಿ ವರ್ಗೀಸ್‌, ವೈದ್ಯಕೀಯ ವರದಿಯ ಪ್ರಕಾರ ಜನಗತ್ತಿನಾದ್ಯಂತ ಕೋಟ್ಯಂತರ ಮಂದಿ ವಿವಿಧ ರೀತಿಯ ಅಂಗಾಂಗ ವೈಫ‌ಲ್ಯದಿಂದ ಬಳಲುತ್ತಿದ್ದಾರೆ. ಭಾರತದಲ್ಲಿ ಪ್ರತಿ ವರ್ಷ 5 ಲಕ್ಷಕ್ಕೂ ಅಧಿಕ ಮಂದಿ ಅಂಗಾಂಗ ವೈಫ‌ಲ್ಯದಿಂದ ಸಾವನ್ನಪ್ಪುತ್ತಿದ್ದಾರೆ. ಹೀಗಾಗಿ, ಅಂಗಾಂಗ ದಾನದ ಬಗ್ಗೆ ಜಾಗೃತಿ ಮೂಡಿಸುತ್ತಿದ್ದೇವೆ ಎಂದು ಹೇಳಿದರು.