ಕೆ.ಎಲ್‌. ರಾಹುಲ್‌ ಪೂಮಾ ರಾಯಭಾರಿ

ಮಂಗಳೂರು: ಭಾರತ ಕ್ರಿಕೆಟ್‌ ತಂಡದ ಆಟಗಾರ ಮಂಗಳೂರು ಮೂಲದ ಕೆ.ಎಲ್‌. ರಾಹುಲ್‌ ಅವರನ್ನು ಜಾಗತಿಕ ಕ್ರೀಡಾ ಪರಿಕರಗಳ ಬ್ರಾಂಡ್‌ ಪೂಮಾ ಪ್ರಚಾರ ರಾಯಭಾರಿಯಾಗಿ ನೇಮಕ ಮಾಡಿಕೊಂಡಿದೆ.

ಬ್ರಾಂಡ್‌ನ‌ ಹೊಸ ಉತ್ಪನ್ನಗಳ ರಾಯಭಾರಿಯಾಗಿ ವಿರಾಟ್‌ ಕೊಹ್ಲಿ ಹಾಗೂ ಇತರ ಕ್ರೀಡಾ ದಿಗ್ಗಜರ ಜತೆ 3 ವರ್ಷಗಳ ವರೆಗೆ ರಾಹುಲ್‌ ಕಾರ್ಯ ನಿರ್ವಹಿಸುವರು. 26 ವರ್ಷದ ರಾಹುಲ್‌ ಕ್ರಿಕೆಟ್‌ನ ಎಲ್ಲ ಮೂರೂ ಪ್ರಕಾರಗಳಲ್ಲಿ ಅತ್ಯಂತ ಕ್ಷಿಪ್ರವಾಗಿ ಶತಕ ಬಾರಿಸಿದ ದಾಖಲೆ ಹೊಂದಿದ್ದು, ಬದ್ಧತೆ, ವಿಶ್ವಾಸದ ಕಾರಣಗಳಿಂದ ಅವರು ಬ್ರಾಂಡ್‌ಗೆ ಸೂಕ್ತ ವ್ಯಕ್ತಿ ಎಂದು ಪರಿಗಣಿಸಲಾಗಿದೆ ಎಂದು ಪ್ಯೂಮಾ ಇಂಡಿಯಾ ಆಡಳಿತ ನಿರ್ದೇಶಕ ಅಭಿಷೇಕ್‌ ಗಂಗೂಲಿ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.