ಕಿರಿಮಂಜೇಶ್ವರ: ಆಕಸ್ಮಿಕ ಬೆಂಕಿ

ಉಪ್ಪುಂದ: ಕಿರಿಮಂಜೆಶ್ವರ ರಾ.ಹೆದ್ದಾರಿ 66ರ ಸಮೀಪದ ಮರಗಳಿಗೆ ಬೆಂಕಿ ಆಕಸ್ಮಿಕ ತಗುಲಿದ ಘಟನೆ ಬುಧುವಾರ ನಡೆದಿದೆ.

ಕಿರಿಮಂಜೇಶ್ವರ ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಶ್ರೀ ಅಗಸ್ತೇÂಶ್ವರ ದೇವಸ್ಥಾನದ ಬಳಿ ಇರುವ ಸರಕಾರಿ ಜಾಗಕ್ಕೆ ಬೆಳಗ್ಗೆ 11ಗಂಟೆ ಸುಮಾರಿಗೆ ಬೆಂಕಿ ತಗುಲಿದೆ. ಪರಿಣಾಮ ಸುಮಾರು 34ಸೆಂಟ್ಸ್‌ ಜಾಗಕ್ಕೆ ಬೆಂಕಿ ಹರಡಿತು. ಒಂದು ಮರ ಸೇರಿದಂತೆ ಹಲವಾರು ಗಿಡಗಳು ಬೆಂಕಿಗೆ ಅಹುತಿಯಾಗಿವೆ.

ಬೆಂಕಿಯ ಜ್ವಾಲೆಯನ್ನು ಕಂಡ ಸ್ಥಳೀಯರು ಅಗ್ನಿ ಶಾಮಕ ದಳಕ್ಕೆ ಮಾಹಿತಿ ನೀಡಿದರು. ಕುಂದಾಪುರ ಅಗ್ನಿ ಶಾಮಕ ದಳದವರು ಆಗಮಿಸಿ ಸುಮಾರು 3ಗಂಟೆಗಳ ಬಳಿಕ ಸಂಪೂರ್ಣವಾಗಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು.ಸ್ಥಳಕ್ಕೆ ಸ್ಥಳೀಯ ಜನಪ್ರತಿನಿಧಿಗಳು ಆಗಮಿಸಿ ಪರಿಶೀಲನೆ ನಡೆಸಿದರು.