ಕಿಂಗ್‌ಫಿಶರ್‌ಹೌಸ್‌ ಹರಾಜು 5ನೇ ಸಲವೂ ವಿಫ‌ಲ

ಮುಂಬಯಿ: ಮದ್ಯದ ದೊರೆ ವಿಜಯ ಮಲ್ಯ ಅವರ ಒಂದು ಕಾಲದ ಸಾಮ್ರಾಜ್ಯವಾಗಿದ್ದ ಮುಂಬಯಿಯ ‘ಕಿಂಗ್‌ಫಿಶರ್‌ ಹೌಸ್‌ ‘ಹರಾಜು ಪ್ರಕ್ರಿಯೆ ಸತತ 5 ನೇ ಬಾರಿಯೂ ವಿಫ‌ಲವಾಗಿದೆ. ಸಾಲಗಾರರು ಈ ಕಟ್ಟಡಕ್ಕೆ ನಿಗದಿ ಮಾಡಿದ್ದ ಮೂಲ ಬೆಲೆಯನ್ನು ಕಡಿಮೆ ಮಾಡಿದ್ದರೂ ಖರೀದಿಗೆ ಯಾರೊಬ್ಬರೂ ಆಸಕ್ತಿ ತೋರಿಲ್ಲ. ಈ ಮೊದಲು 103 ಕೋಟಿ ರೂ. ಬೆಲೆ ನಿಗದಿ ಮಾಡಿದ್ದ ಬ್ಯಾಂಕ್‌ ಒಕ್ಕೂಟ, ಅನಂತರ ಅದನ್ನು 93 ಕೋ. ರೂ.ಗೆ ಇಳಿಸಿತ್ತು. ಕಳೆದ ಡಿಸೆಂಬರ್‌ನಲ್ಲಿ ಬೆಲೆಯನ್ನು 115 ಕೋ. ರೂ.ಗೆ ನಿಗದಿಮಾಡಲಾಗಿತ್ತು.