18 ಲಕ್ಷ ರೂಪಾಯಿ ಕೊಟ್ಟು ರಿಜಿಸ್ಟ್ರೇಷನ್‌ ಸಂಖ್ಯೆ ಖರೀದಿ!

ತಿರುವನಂತಪುರಂ: ಕೇರಳದಲ್ಲಿ ವ್ಯಕ್ತಿಯೊಬ್ಬರು ತಮ್ಮ ಹೊಸ ದುಬಾರಿ ಕಾರಿಗೆ 18 ಲಕ್ಷ ಖರ್ಚು ಮಾಡಿ ಫ್ಯಾನ್ಸಿ ನಂಬರ್‌ ಖರೀದಿಸಿ ಸುದ್ದಿಯಾಗಿದ್ದಾರೆ. ಕೆಎಲ್‌ 01 ಸಿಬಿ1 ಎಂಬ ಈ ಸಂಖ್ಯೆಯನ್ನು ತಮ್ಮ ಎಸ್‌ಯುವಿಗೆ ಪಡೆದುಕೊಳ್ಳಲು ಔಷಧ ಉದ್ಯಮಿ ಕೆ.ಎಸ್‌.ಬಾಲಗೋಪಾಲ ಎಂಬುವರು ಹರಾಜಿನಲ್ಲಿ 18 ಲಕ್ಷ ರೂ. ನೀಡಿ ಖರೀದಿಸಿದರು ಎಂದು ಸಾರಿಗೆ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಇದಕ್ಕಿಂತ ಮೊದಲು ಫ್ಯಾನ್ಸಿ ರಿಜಿಸ್ಟ್ರೇಷನ್‌ ಸಂಖ್ಯೆಗಾಗಿ 16.50 ಲಕ್ಷ ರೂ. ನೀಡಿದ್ದೇ ಅತ್ಯಂತ ಹೆಚ್ಚಿನ ಮೊತ್ತವಾಗಿತ್ತು. ಆರು ವರ್ಷಗಳ ಹಿಂದೆ ಎಕೆ ಸರಣಿಯ ರಿಜಿಸ್ಟ್ರೇಷನ್‌ ನಂಬರ್‌ 8ಲಕ್ಷ ರೂ.ಗೆ ಮಾರಾಟವಾಗಿತ್ತು.  ಸಿಬಿ ಎಂದರೆ ಸೆಂಟ್ರಲ್‌ ಬ್ಯೂರೊ ಆಫ್ ಇನ್ವಸ್ಟಿಗೇಷನ್‌ ಎಂದಾಗುವ ಹಿನ್ನೆಲೆಯಲ್ಲಿ ಈ ಸರಣಿಗೂ ಹೆಚ್ಚಿನ ಬೇಡಿಕೆ ಇದೆ.