ದನದ ಮಾಂಸ ಕತ್ತರಿಸುತ್ತಾ ಇರಿ: ಓವೈಸಿ ಹೇಳಿಕೆಗೆ ನಿರ್ಮಲಾ ಆಕ್ರೋಶ

ಹೈದರಾಬಾದ್‌: ಚುನಾವಣೆ ಪ್ರಚಾರದ ವೇಳೆ ಎಂಐಎಂ ನಾಯಕ ಅಸಾದುದ್ದೀನ್‌ ಒವೈಸಿ ನೀಡಿ ರುವ “ಮಾಂಸ ಕತ್ತರಿಸುತ್ತಲೇ ಇರಿ’ ಹೇಳಿಕೆ ವಿವಾದಕ್ಕೆ ಗುರಿಯಾಗಿದೆ. ಈ ಬಗ್ಗೆ ಬಿಜೆಪಿ ನಾಯಕಿ ನಿರ್ಮಲಾ ಸೀತಾರಾಮನ್‌ ಆಕ್ಷೇಪಿಸಿ ಅಸಭ್ಯ ಹೇಳಿಕೆ ನೀಡುವುದರಲ್ಲಿ ಓವೈಸಿ ನಿಸ್ಸೀಮರು ಎಂದಿದ್ದಾರೆ.

ಹೈದರಾಬಾದ್‌ನಲ್ಲಿ ಚುನಾವಣೆ ಪ್ರಚಾರದ ವೇಳೆ ದನದ ಮಾಂಸದ ಅಂಗಡಿಗೆ ಭೇಟಿ ನೀಡಿದ ಓವೈಸಿ ಅಂಗಡಿಯ ಮಾಲಕರೊಂದಿಗೆ ಮಾತನಾ ಡಿದ್ದಾರೆ. ಈ ವೇಳೆ ಅಂಗಡಿಯ ಹೆಸರು ಉಲ್ಲೇಖೀಸಿ ಜಿಂದಾಬಾದ್‌ ಹೇಳಿ, ಹೀಗೆ ಮಾಂಸ ಕತ್ತರಿಸುತ್ತಲೇ ಇರಿ ಎಂದು ಕರೆ ನೀಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಚಿವೆ ನಿರ್ಮಲಾ ಪ್ರತಿಕ್ರಿಯಿಸಿ ಅಸಾದುದ್ದೀನ್‌ ಹಾಗೂ ಅವರ ಸಹೋದರ ಅಕºರುದ್ದೀನ್‌ ಇಬ್ಬರೂ ಅಸಭ್ಯ ಹೇಳಿಕೆ ನೀಡುವಲ್ಲಿ ನಿಸ್ಸೀಮರು ಎಂದಿದ್ದಾರೆ.