ಕಾಪು: ವಿದ್ಯಾನಿಕೇತನದಲ್ಲಿ ಮಕರ ಸಂಕ್ರಮಣ ಸಂಭ್ರಮ

ಕಾಪು : ವಿದ್ಯಾನಿಕೇತನ ಸಮೂಹ ವಿದ್ಯಾ ಸಂಸ್ಥೆಯಲ್ಲಿ ಬುಧವಾರ ಮಕರ ಸಂಕ್ರಮಣ ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಯಿತು.

ಈ ವೇಳೆ ಶಾಲೆಯಲ್ಲಿ ಮಕರ ಸಂಕ್ರಮಣದ ಪ್ರಯುಕ್ತ ಭಜನೆ, ನೃತ್ಯ, ಕೀಲು ಕುದುರೆ ಕುಣಿತ, ಚೆಂಡೆ ವಾದನ, ಜಾನಪದ ನೃತ್ಯ, ಸಂಕ್ರಾಂತಿ ಹಾಡು ನೃತ್ಯ, ಅಭಿನಯ ಗೀತೆ, ಹರಿವರಾಸನಮ್ ನೃತ್ಯಗಳು ನಡೆದವು. ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳಿಂದ ನಿರ್ಮಿತವಾದ ಪುಟ್ಟ ರಥ ಹಾಗೂ ಅದರ ಸುತ್ತ ಹಾರುವ ಗಿಡುಗ ನೋಡುಗರನ್ನು ಗಮನ ಸೆಳೆಯಿತು.

ಸಂಸ್ಥೆಯ ಸಂಚಾಲಕ ಕೆ.ಪಿ. ಆಚಾರ್ಯ, ಆಡಳಿತಾಧಿಕಾರಿ ವಿ.ಕೆ. ಉದ್ಯಾವರ್, ಸಂಸ್ಥೆಯ ವಿವಿಧ ವಿಭಾಗಗಳ ಮುಖ್ಯಸ್ಥರು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.