Bollywood: ಮೂರನೇ ಬಾರಿ ರಿಲೀಸ್‌ ಡೇಟ್‌ ಬದಲಾಯಿಸಿದ ʼಮೇರಿ ಕ್ರಿಸ್ಮಸ್‌ʼ; ಇಲ್ಲಿದೆ ಕಾರಣ

ಮುಂಬಯಿ: ಇದೇ ವರ್ಷದ ಡಿಸೆಂಬರ್‌ ನಲ್ಲಿ ತೆರೆಗೆ ಬರಲಿರುವ ಬಿಟೌನ್‌ ಬಹು ನಿರೀಕ್ಷಿತ ಸಿನಿಮಾಗಳಲ್ಲೊಂದು ಒಂದಾಗಿರುವ ʼಮೇರಿ ಕ್ರಿಸ್ಮಸ್‌ʼ ಸಿನಿಮಾದ ಬಗ್ಗೆ ಬಿಗ್‌ ಅಪ್ಡೇಟ್‌ ವೊಂದು ಹೊರಬಿದ್ದಿದೆ.

ಬಿಟೌನ್‌ ಬೆಡಗಿ ಕತ್ರಿನಾ ಕೈಫ್‌ ಹಾಗೂ ತಮಿಳು ಸೂಪರ್‌ ಸ್ಟಾರ್‌ ವಿಜಯ್‌ ಸೇತುಪತಿ  ಮುಖ್ಯಭೂಮಿಕೆಯ ʼಮೇರಿ ಕ್ರಿಸ್ಮಸ್‌ʼ  ಸಿನಿಮಾ ಅನೌನ್ಸ್‌ ಆದ ದಿನದಿಂದಲೇ ಸದ್ದು ಮಾಡುತ್ತಿದೆ. ಸೌತ್‌ ಹಾಗೂ ಬಿಟೌನ್‌ ಜೋಡಿಯನ್ನಿಟ್ಟುಕೊಂಡು ವಿಭಿನ್ನ ಕಥೆಯನ್ನು ಹೇಳಲು ಹೊರಟಿರುವ  ಶ್ರೀರಾಮ್ ರಾಘವನ್ ಅವರ ಈ ಸಿನಿಮಾದಿಂದ ಮತ್ತೊಂದು ಬಿಗ್‌ ಅಪ್ಡೇಟ್‌ ಹೊರಬಿದ್ದಿದೆ.

ಡಿಸೆಂಬರ್‌ ತಿಂಗಳಿನಲ್ಲಿ ಬಾಲಿವುಡ್‌ನಲ್ಲಿ ದೊಡ್ಡ ಸಿನಿಮಾಗಳು ರಿಲೀಸ್‌ ಆಗಲಿದೆ. ಇದರಲ್ಲಿ ಪ್ರಭಾಸ್‌ ಅವರ ʼಸಲಾರ್‌ʼ, ಶಾರುಖ್‌ ಖಾನ್‌ ಅವರ ʼಡಂಕಿʼ , ಸಿದ್ದಾರ್ಥ್‌ ಮಲ್ಹೋತ್ರಾ ಅವರ ʼಯೋಧʼ ಸೇರಿದಂತೆ ಹಲವು ಸಿನಿಮಾಗಳು ಸೇರಿವೆ.

ಈ ಕಾರಣದಿಂದ ʼಮೇರಿ ಕ್ರಿಸ್ಮಸ್‌ʼ ಸಿನಿಮಾ ರಿಲೀಸ್‌ ಡೇಟ್‌ ಮತ್ತೆ ಬದಲಾಗಿದೆ. ಮೊದಲು ಡಿಸೆಂಬರ್‌ 23 ರಂದು ಸಿನಿಮಾ ರಿಲೀಸ್‌ ಆಗಬೇಕಿತ್ತು. ಆದಾದ ಬಳಿಕ ಡಿಸೆಂಬರ್‌ 15 ರಂದು ಸಿನಿಮಾ ತೆರೆಗೆ ಬರುವುದಾಗಿ ಚಿತ್ರತಂಡ ಹೇಳಿತ್ತು. ಡಿಸೆಂಬರ್‌ 15 ರಂದು ಸಿದ್ಧಾರ್ಥ್ ಮಲ್ಹೋತ್ರಾ ಅವರ ʼಯೋಧʼ ಸಿನಿಮಾ ರಿಲೀಸ್‌ ಆಗಲಿದೆ. ಈ ಕಾರಣದಿಂದ ʼಮೇರಿ ಕ್ರಿಸ್ಮಸ್‌ʼ ರಿಲೀಸ್‌ ಡೇಟ್‌ ಮತ್ತೆ ಬದಲಾಗಿದೆ.

ʼಮೇರಿ ಕ್ರಿಸ್ಮಸ್‌ʼ ಸಿನಿಮಾ ಒಂದು ವಾರ ಮೊದಲು ಅಂದರೆ ಡಿಸೆಂಬರ್‌ 8 ರಂದು ರಿಲೀಸ್‌ ಆಗಲಿದೆ ಎಂದು ಟ್ರೇಡ್​ ವಿಶ್ಲೇಷಕ ತರಣ್​ ಆದರ್ಶ್​ ಟ್ವೀಟ್‌ ಮಾಡಿದ್ದಾರೆ.

ಸೌತ್‌ ಸ್ಟಾರ್‌ ಜೊತೆ ಕತ್ರಿನಾ ಕಾಣಿಸಿಕೊಳ್ಳಲಿದ್ದಾರೆ.  ಲೀಡ್‌ ರೋಲ್‌ ನಲ್ಲಿ ಕತ್ರಿನಾ ಜೊತೆ ಸೇತುಪತಿ ಅವರನ್ನುಆಯ್ದುಕೊಂಡಿದ್ದರ ಬಗ್ಗೆ ಸ್ವತಃ ಶ್ರೀರಾಮ್ ರಾಘವನ್ ಅವರು ಮಾತನಾಡಿದ್ದರು.

“ಇದು ಕಥೆಯ ಬೇಡಿಕೆಯಾಗಿದೆ. ನೀವು ಸಿನಿಮಾವನ್ನು ನೋಡಿದರೆ, ಈ ಸಿನಿಮಾದಲ್ಲಿ ಈ ರೀತಿಯ ಆಫ್‌ ಬೀಟ್ ಜೋಡಿಯನ್ನು ಯಾಕೆ ಆಯ್ಕೆ ಮಾಡಲಾಗಿದೆ ಎನ್ನುವುದು ನಿಮಗೆ ತಿಳಿಯುತ್ತದೆ. ಸಿನಿಮಾದಲ್ಲಿ ಇಬ್ಬರ ಪಾತ್ರವೂ ತುಂಬಾ ಆಸಕ್ತಿದಾಯಕವಾಗಿದೆ. ಈ ಹಿಂದೆ ಇವರಿಬ್ಬರು ಜೊತೆಯಾಗಿ ನಟಿಸಿಲ್ಲ. ಹಾಗಾಗಿ ಸಿನಿಮಾದಲ್ಲಿ ಹೊಸ ಜೋಡಿಯನ್ನು ನೋಡಿದಂತಾಗುತ್ತದೆ ಎಂದು ಹೇಳಿದ್ದರು.

ಕತ್ರಿನಾ ಹಾಗೂ ಸೇತುಪತಿ ಅವರ ಪಾತ್ರಗಳು ಬದಲಾಗುವುದಿಲ್ಲ. ಸಹ ಕಲಾವಿದರು ತಮಿಳು ವರ್ಷನ್‌ ನಲ್ಲಿ ಬದಲಾಗಲಿದ್ದಾರೆ. ಶೇ.95 ರಷ್ಟು ಸಿನಿಮಾ ಒಂದೇ ಆಗಲಿದೆ. ಕೆಲ ಪಾತ್ರ ಹಾಗೂ ಭಾಷೆಯ ಬದಲಾವಣೆ ಇರಲಿದೆ ಅಷ್ಟೇ ಎಂದು ನಿರ್ದೇಕರು ಹೇಳಿದ್ದರು.

ಇನ್ನು ಮೂಲತಃ ತಮಿಳಿನವರು ಆಗಿರುವ ನಿರ್ದೇಶಕ ರಾಘವನ್ ಈ ಸಿನಿಮಾವನ್ನು ತಮಿಳು ಭಾಷೆಯಲ್ಲೂ ಮಾಡಲಿದ್ದಾರೆ. ಅಂದರೆ ತಮಿಳು ಹಾಗೂ ಹಿಂದಿಯಲ್ಲಿ ಪತ್ಯೇಕವಾಗಿ ಸಿನಿಮಾ ಶೂಟ್‌ ಆಗಲಿದೆ.