ಕಟೀಲು ಕ್ಷೇತ್ರ: ನೂತನ ಶಿಲಾಮಯ ಉತ್ಸವಕಟ್ಟೆ ಸಮರ್ಪಣೆ

ಮುಂಬಯಿ: ಕಟೀಲು ಶ್ರೀ ದುರ್ಗಾ ಪರಮೇಶ್ವರೀ ದೇವಸ್ಥಾನದ ಸಮೀಪದ ಮೂಲಸ್ಥಾನ ಕುದುರುನಲ್ಲಿ ಶ್ರೀ ದೇವಿಯ ನೂತನ ಶಿಲಾಮಯ ಉತ್ಸವ ಕಟ್ಟೆಯನ್ನು ಎ. 18ರಂದು ಪೂಜ್ಯ ಒಡಿಯೂರು ಶ್ರೀ ಗುರುದೇವಾನಂದ ಸ್ವಾಮೀಜಿ ಲೋಕಾರ್ಪಣೆಗೊಳಿಸಿದರು.
ಕಟ್ಟೆಯ ಪ್ರಾಯೋಜಕರಾದ ಮುಂಬಯಿಯ ಉದ್ಯಮಿ ವಾಮಯ್ಯ ಬಿ. ಶೆಟ್ಟಿ ದಂಪತಿ, ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಎಲ್ಲ ಆನುವಂಶಿಕ ಅರ್ಚಕರು, ಮೊಕ್ತೇಸರ ಕೊಡೆತ್ತೂರು ಗುತ್ತು ಸನತ್‌ ಕುಮಾರ್‌ ಶೆಟ್ಟಿ , ಒಡಿಯೂರು ಶ್ರೀ ಗುರುದೇವ ಸೇವಾ ಬಳಗ, ಮುಂಬಯಿ ಘಟಕದ ಪ್ರಧಾನ ಕಾರ್ಯದರ್ಶಿ ಪೇಟೆಮನೆ ಪ್ರಕಾಶ್‌ ಕೆ. ಶೆಟ್ಟಿ ಮತ್ತಿತರರು ಉಪಸ್ಥಿತರಿದ್ದರು.