Kasaragod ರೈಲು ಢಿಕ್ಕಿ: ಯುವಕನ ಸಾವು

ಕಾಸರಗೋಡು: ರೈಲುಗಾಡಿಯಿಂದ ಹಳಿಗೆ ಬಿದ್ದ ಮೊಬೈಲ್‌ ಫೋನ್‌ ತೆಗೆಯಲೆಂದು ಗೆಳೆಯರೊಂದಿಗೆ ರೈಲುಗಾಡಿಯಿಂದ ಕೆಳಗಿಳಿದ ಕಾಸರಗೋಡು ಎಂ.ಎಸ್‌.ಎಫ್‌. ಮುಖಂಡ ರೈಲು ಗಾಡಿ ಢಿಕ್ಕಿ ಹೊಡೆದು ಸಾವಿಗೀಡಾದ ಘಟನೆ ನಡೆದಿದೆ.

ಎಂ.ಎಸ್‌.ಎಫ್‌. ಕಾಸರಗೋಡು ಮಂಡಲ ಉಪಾಧ್ಯಕ್ಷ ಚೆಂಗಳದ ಬಾಸಿತ್‌ ತಾಯಲ್‌ ಸಾವಿಗೀಡಾದರು. ತೃಶ್ಶೂರು ಆಳೂರ್‌ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ. ಎರ್ನಾಕುಳಂನಿಂದ ಕಾಸರಗೋಡಿಗೆ ಬರುತ್ತಿದ್ದಾಗ ಈ ಘಟನೆ ನಡೆಯಿತು.