ಎಕಾನಮಿ ಕ್ಲಾಸಲ್ಲಿ ಕಾರ್ತಿಕ್‌ ನಟನ ಸರಳತೆಗೆ ಜನರು ಫಿದಾ

ಸಿನಿಮಾ ತಾರೆಯರು, ರಾಜಕಾರಣಿಗಳು ಸೇರಿದಂತೆ ಸಾಮಾಜಿಕವಾಗಿ ಗುರುತಿಸಿಕೊಂಡ ಒಂದಷ್ಟು ಮಂದಿ ಸಾಮಾನ್ಯವಾಗಿ ವಿಮಾನದಲ್ಲಿ ಬಿಸಿನೆಸ್‌ ಕ್ಲಾಸ್‌ಗಳಲ್ಲಿಯೇ ಪ್ರಯಾಣಿಸುತ್ತಾರೆ. ಆದರೆ,ಬಾಲಿವುಡ್‌ ನಟ ಕಾರ್ತಿಕ್‌ ಆರ್ಯನ್‌, ಸಾಮಾನ್ಯ ಜನರೊಂದಿಗೆ ಎಕಾನಮಿ ಕ್ಲಾಸ್‌ನಲ್ಲಿ ಪ್ರಯಾಣಿಸಿದ್ದು, ಅವರ ಸರಳತೆಗೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗಿದೆ.

ಶೆಹಜಾದಾ, ಭೂಲ್‌ ಬುಲೇಯಾ , ಆಶಿಕಿ-3 ಸೇರಿದಂತೆ ಹಲವು ಖ್ಯಾತ ಸಿನಿಮಾಗಳಲ್ಲಿ ನಟಿಸಿರುವ ಕಾರ್ತಿಕ್‌ಗೆ ಅಪಾರ ಅಭಿಮಾನಿ ಬಳಗವಿದ್ದು, ಅವರನ್ನು ಕಣ್ತುಂಬಿಕೊಳ್ಳಲೆಂದೇ ಅಭಿಮಾನಿಗಳು ಹಾತೊರೆಯುತ್ತಾರೆ. ಅಂಥದ್ದರಲ್ಲಿ ಕಾರ್ತಿಕ್‌ ತಾವೇ ಸ್ವತಃ ಜನರ ನಡುವೆಯೇ ಕೂತು ವಿಮಾನದಲ್ಲಿ ಪಯಣಿಸಿದ್ದಲ್ಲದೇ, ಜನರಿಗೆ ಸ್ಪಂದಿಸುವ ಸೌಜನ್ಯವನ್ನೂ ತೋರಿದ್ದಾರೆ. ಸ್ಟಾರ್‌ನಟನ ಈ ಹಮ್ಮಿಲ್ಲದ ವ್ಯಕ್ತಿತ್ವಕ್ಕೆ ಜಾಲತಾಣದಲ್ಲಿ ತೀವ್ರ ಪ್ರಶಂಸೆ ವ್ಯಕ್ತವಾಗಿದೆ.