ಕರ್ತಾರ್‌ಪುರ ಕಾರಿಡಾರ್‌ ಅತ್ಯಂತ ಅಪಾಯಕಾರಿ : ಸ್ವಾಮಿ ಎಚ್ಚರಿಕೆ

ಹೊಸದಿಲ್ಲಿ : ಕರ್ತಾರ್‌ಪುರ್‌ ಕಾರಿಡಾರ್‌ ತೆರೆಯುವ ಉಪಕ್ರಮವು ಅತ್ಯಂತ ಅಪಾಯಕಾರಿಯಾದೀತು ಎಂದು ಹಿರಿಯ ಬಿಜೆಪಿ ನಾಯಕ ಮತ್ತು ಸಂಸದ ಸುಬ್ರಮಣಿಯನ್‌ ಸ್ವಾಮಿ ಎಚ್ಚರಿಸಿದ್ದಾರೆ.

“ಕರ್ತಾರ್‌ಪುರ ಕಾರಿಡಾರ್‌  ಅಪಾಯಕಾರಿ; ಅಲ್ಲಿ ಸೂಕ್ತ ತಪಾಸಣೆ ಇಲ್ಲದಿರುವುದರಿಂದ ಅದರ ದುರ್ಬಳಕೆ ನಿಶ್ಚಿತ. ಕೇವಲ ಪಾಸ್‌ ಪೋರ್ಟ್‌ ತೋರಿಸಿದರೆ ಸಾಲದು; ದಿಲ್ಲಿಯ ಚಾಂದನೀ ಚೌಕ್‌ ನಲ್ಲಿ ನಿಮಗೆ ಕೇವಲ 250 ರೂ.ಗೆ ಪಾಸ್‌ ಪೋರ್ಟ್‌ ಸಿಗುತ್ತದೆ. ನಾವು ಪಾಕಿಸ್ಥಾನೀಯರನ್ನು ದೇಶದೊಳಗೆ ಬರಲು ಬಿಡಬಾರದು’ ಎಂದು ಸ್ವಾಮಿ ಹೇಳಿದ್ದಾರೆ. 

ನ.28ರಂದು ನಡೆಯಲಿರುವ ಕರ್ತಾರ್‌ಪುರ ಕಾರಿಡಾರ್‌ ಕಾರ್ಯಕ್ರಮಕ್ಕೆ ಯಾರೂ ಪಾಕಿಸ್ಥಾನಕ್ಕೆ ಹೋಗಬಾರದು; ಪಾಕಿಸ್ಥಾನದ ಆಹ್ವಾನವನ್ನು ಯಾವ ಸಚಿವರೂ ಸ್ವೀಕರಿಸಬಾರದು ಎಂದು ಸ್ವಾಮಿ ಗುಡುಗಿದರು. 

ನಮ್ಮ ಜನರನ್ನು ನಮ್ಮ ದೂತಾವಾಸದ ಅಧಿಕಾರಿಗಳು ಸೇರಿಕೊಳ್ಳುವುದಕ್ಕೆ ಪಾಕಿಸ್ಥಾನ ಬಿಡುತ್ತಿಲ್ಲ; ಹಾಗಿರುವಾಗ ನಾವೇಕೆ ಪಾಕಿಸ್ಥಾನಕ್ಕೆ ಹೋಗಬೇಕು ಎಂದು ಸ್ವಾಮಿ ಪ್ರಶ್ನಿಸಿದರು.