ತರಬೇತಿ ವೇಳೆ ಗುಂಡು ತಗುಲಿ ಕರ್ನಾಟಕದ ಯೋಧ ಹುತಾತ್ಮ 

ಬೆಳಗಾವಿ: ಪಂಜಾಬ್‌ನಲ್ಲಿ ತರಬೇತಿ ವೇಳೆ ಗುಂಡು ತಗುಲಿ ಕರ್ನಾಟಕದ ಯೋಧರೊಬ್ಬರು ದಾರುಣವಾಗಿ ಸಾವನ್ನಪ್ಪಿದ ಘಟನೆ ನಡೆದಿದೆ.

ಮೃತ ಯೋಧ ಬೆಳಗಾವಿಯ ಚಿಕ್ಕೋಡಿ ತಾಲೂಕಿನ ಚಂದೂರು ಗ್ರಾಮದ ಪ್ರವೀಣ ಪಟ್ಟಣಕುಡೆ(32) ಎನ್ನುವವರಾಗಿದ್ದಾರೆ.

71 ಆರ್ಮಿ ರೆಜಿಮೆಂಟ್‌ನ ಯೋಧರಾಗಿದ್ದ ಪ್ರವೀಣ್‌ ಮಾರ್ಚ್‌ 7 ರಂದು ಗಾಯಗೊಂಡಿದ್ದರು. ಸೇನಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫ‌ಲಕಾರಿಯಾಗದೆ ಕೊನೆಯುಸಿರೆಳೆದಿದ್ದಾರೆ.

ನಾಳೆ ಸ್ವಗ್ರಾಮಕ್ಕೆ ಅವರ ಪಾರ್ಥೀವ ಶರೀರ ಆಗಮಿಸುವ ಸಾಧ್ಯತೆಗಳಿವೆ.