Karnataka Poll: ಕರ್ನಾಟಕದ ಉದ್ಯೋಗಿಗಳಿಗೆ ವೇತನ ಸಹಿತ ರಜೆ ಘೋಷಿಸಿದ ಗೋವಾ ಸರಕಾರ

ಪಣಜಿ: ಕರ್ನಾಟಕ ವಿಧಾನಸಭೆ ಚುನಾವಣೆಯ ಮತದಾನದ ದಿನದಂದು ಗೋವಾದಲ್ಲಿರುವ ಕರ್ನಾಟಕ ಉದ್ಯೋಗಿಗಳಿಗೆ ಗೋವಾ ಸರ್ಕಾರವು ವೇತನ ಸಹಿತ ರಜೆಯನ್ನು ಘೋಷಿಸಿದೆ. ಆದರೆ, ಈ ನಿರ್ಧಾರಕ್ಕೆ ಗೋವಾದ ಉದ್ಯಮಿಗಳು  ಅಸಮಾಧಾನ ವ್ಯಕ್ತಪಡಿಸಿವೆ.

ಗೋವಾ ರಾಜ್ಯ ಸರ್ಕಾರ ಇಂತಹ ಘೋಷಣೆ ಮಾಡುವುದು ಹೇಗೆ ಎಂದು ಗೋವಾ ರಾಜ್ಯ ಕೈಗಾರಿಕೆಗಳ ಸಂಘ (ಜಿಎಸ್‍ಐಎ) ಪ್ರಶ್ನಿಸಿದೆ. ಈ ನಿರ್ಧಾರ ಮೂರ್ಖತನದ್ದು. ಅಂತಹ ನಿರ್ಧಾರ ಕೈಗೊಳ್ಳುವ ಅಗತ್ಯವಿರಲಿಲ್ಲ. ಕರ್ನಾಟಕ ವಿಧಾನಸಭಾ ಚುನಾವಣೆಗೂ ಹಾಗೂ ಗೋವಾದಲ್ಲಿ ಉದ್ಯೋಗಿಗಳಿಗೆ ವೇತನಸಹಿತ ರಜೆಗೂ ಯಾವುದೇ ಸಂಬಂಧವಿಲ್ಲ. ಇದು ರಾಜಕೀಯ ಲಾಭಕ್ಕಾಗಿ ಕೈಗಾರಿಕೆಗಳನ್ನು ಕಟ್ಟುವ ವಿಧಾನವಾಗಿದೆ. ಪ್ರತಿ ಚುನಾವಣೆಯಲ್ಲೂ ಇದೇ ರೀತಿ ಮುಂದುವರಿದರೆ ಗೋವಾದಲ್ಲಿ ಕೈಗಾರಿಕೆ ಮಾಡುವುದು ಕಷ್ಟ. ಯಾವ ಕಾನೂನು ಪರಿಹಾರಗಳನ್ನು ಬಳಸಬಹುದು ಎಂಬುದನ್ನು ನಾವು ನೋಡುತ್ತಿದ್ದೇವೆ. ಗೋವಾ ಸರ್ಕಾರದ ನಿರ್ಧಾರ ಏಕಪಕ್ಷೀಯ ಎಂದು ಜಿಎಸ್‍ಐಎ ಹೇಳಿದೆ. ಇದು ಉದ್ಯಮದ ಅಸಮಾಧಾನವನ್ನು ವ್ಯಕ್ತಪಡಿಸಿದೆ.

ಕರ್ನಾಟಕ ವಿಧಾನಸಭಾ ಚುನಾವಣೆಯ ಮತದಾನ ಮೇ 10 ರಂದು ನಡೆಯಲಿದೆ.  ಗೋವಾದಲ್ಲಿ ಮತದಾರರಾಗಿರುವ ಕರ್ನಾಟಕದ ಉದ್ಯೋಗಿಗಳಿಗೆ ಗೋವಾ ಸರ್ಕಾರವು ಮೇ 10 ರಂದು ವೇತನ ರಜೆ ಘೋಷಿಸಿದೆ. ಈ ಕುರಿತು ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ. ಕರ್ನಾಟಕದ ಹಲವು ಮತದಾರರು ಕೆಲಸಕ್ಕಾಗಿ ಗೋವಾದಲ್ಲಿ ವಾಸಿಸುತ್ತಿದ್ದಾರೆ ಎಂದು ಸರ್ಕಾರ ಆದೇಶದಲ್ಲಿ ತಿಳಿಸಿದೆ. ಕರ್ನಾಟಕ ವಿಧಾನಸಭಾ ಚುನಾವಣೆಯು ಬುಧವಾರ, ಮೇ 10 ರಂದು ನಡೆಯಲಿದೆ. ಕರ್ನಾಟಕ ವಿಧಾನಸಭಾ ಚುನಾವಣೆಯಲ್ಲಿ ಮತದಾನ ಮಾಡಲು ಗೋವಾ ಸರ್ಕಾರವು ಕೈಗಾರಿಕಾ ಕಾರ್ಮಿಕರು, ಸರ್ಕಾರಿ ಇಲಾಖೆಗಳಲ್ಲಿ ದಿನನಿತ್ಯದ ಕೆಲಸಗಾರರು, ರಾಜ್ಯ ಸರ್ಕಾರದ ಕೈಗಾರಿಕಾ ಇಲಾಖೆಗಳು, ವೃತ್ತಿಪರರು ಮತ್ತು ಖಾಸಗಿ ಸಂಸ್ಥೆಗಳ ಕೈಗಾರಿಕಾ ಕಾರ್ಮಿಕರಿಗೆ ವೇತನ ರಜೆ ಘೋಷಿಸಿದೆ. ಏತನ್ಮಧ್ಯೆ, ಜಿಎಸ್‍ಐಎ ಈ ಆದೇಶದ ಬಗ್ಗೆ ತನ್ನ ಅಸಮಾಧಾನವನ್ನು ವ್ಯಕ್ತಪಡಿಸಿದೆ.

ಇದನ್ನೂ ಓದಿ: ಕುಂದಾಪುರದೆಲ್ಲೆಡೆ ಕಾಂಗ್ರೆಸ್‌ ಅಲೆ; ಸಾಸ್ತಾನದಿಂದ ಬೈಕ್‌ Rally, ನಗರದಲ್ಲಿ ಪಾದಯಾತ್ರೆ