karnataka election 2023 ಬಿಜೆಪಿ-ಕಾಂಗ್ರೆಸ್ ಕಾರ್ಯಕರ್ತರ ಮಧ್ಯೆ ಕಲ್ಲು ತೂರಾಟ

ಯಾದಗಿರಿ(ಹುಣಸಗಿ) : ಕೊಡೇಕಲ್ ಬಸವಣ್ಣ ಜಾತ್ರೆ ವೇಳೆ ಜನಸಂದಣಿಯಲ್ಲಿ ಹಾರ್ನ್ ಮಾಡಿದ್ದಾರೆ ಎಂದು ಆರೋಪಿಸಿ ನಡೆದ ಗಲಾಟೆಯಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್ ಕಾರ್ಯಕರ್ತರು ಪರಸ್ಪರ ಕಲ್ಲು ತೂರಾಟ ನಡೆಸಿದ ಘಟನೆ ಗುರುವಾರ ನಡೆದಿದೆ.

ಚುನಾವಣ ಪ್ರಚಾರಕ್ಕಾಗಿ ಕಾಂಗ್ರೆಸ್ ಕಾರ್ಯಕರ್ತರು ನಾರಾಯಣಪುರ ಗ್ರಾಮಕ್ಕೆ ತೆರಳುತ್ತಿದ್ದಾಗ ಕೊಡೇಕಲ್ ಬಸವಣ್ಣ ಜಾತ್ರಾ ಮಹೋತ್ಸವದಲ್ಲಿ ಜನಸಂದಣಿ ಇದ್ದ ಕಾರಣ ಹಾರ್ನ್ ಮಾಡಿದ್ದೇ ವಾಗ್ವಾದಕ್ಕೆ ಕಾರಣ ಎನ್ನಲಾಗುತ್ತಿದೆ.

ಘಟನೆಯಲ್ಲಿ15 ಕಾರುಗಳು ಕಲ್ಲೇಟಿಗೆ ಗ್ಲಾಸ್ ಜಖಂಗೊಂಡಿವೆ. ಅಲ್ಲದೆ ಕೆಲ ಕಾರ್ಯಕರ್ತರಿಗೆ ಸಣ್ಣ-ಪುಟ್ಟ ಗಾಯಗಳಾಗಿವೆ ಎಂದು ಪೊಲೀಸ್ ಮೂಗಳಿಂದ ತಿಳಿದುಬಂದಿದೆ. ಗಲಾಟೆ ಸದ್ದಿಗೆ ಜಾತ್ರೆಗೆ ಬಂದ ಭಕ್ತರು ಜಾತ್ರೆ ಮಾಡದೆ ತಮ್ಮ ಊರು ಹಾಗೂ ಮನೆ ಸೇರಿಕೊಂಡರು ಎನ್ನಲಾಗುತ್ತಿದೆ. ಕಲ್ಲು ತೂರಾಟ ಘಟನೆಗೆ ಸಂಬಂಧಿಸಿದಂತೆ ಕೊಡೇಕಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.