ಕಾರ್ಕಳ: ಕೆನರಾ ಬ್ಯಾಂಕ್‌ ಶಾಖೆಯಲ್ಲಿ ವಿದ್ಯುತ್‌ ಶಾರ್ಟ್‌ ಸರ್ಕ್ಯೂಟ್‌

ಕಾರ್ಕಳ: ಕಾರ್ಕಳ ನಗರದ ಪುರಸಭೆ ಕಚೇರಿ ಮುಂಭಾಗದಲ್ಲಿ ಕಾರ್ಯಾಚರಿಸುತಿದ್ದ ಕೆನರಾ ಬ್ಯಾಂಕ್‌ನ ಶಾಖಾ ಕಚೇರಿಯಲ್ಲಿ ವಿದ್ಯುತ್‌ ಶಾರ್ಟ್‌ ಸರ್ಕ್ನೂಟ್‌ ಸಂಭವಿಸಿದ ಘಟನೆ ಆ.3ರಂದು ಬೆಳಗ್ಗೆ ನಡೆದಿದೆ.

ಬ್ಯಾಂಕಿನ ಸಿಬಂದಿಯೋರ್ವರು ಎಂದಿನಂತೆ ಬ್ಯಾಂಕ್‌ ಬೆಳಗ್ಗೆ ಬ್ಯಾಂಕ್‌ ಬಾಗಿಲು ತೆರೆದು ಪ್ರವೇಶಿಸುತ್ತಿದ್ದಂತೆ ಹೊಗೆ ಕಾಣಿಸಿಕೊಂಡಿದೆ. ತತ್‌ಕ್ಷಣ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿದರು. ತ್ವರಿತವಾಗಿ ಧಾವಿಸಿದ ಅಗ್ನಿಶಾಮಕ ದಳ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿ¨ªಾರೆ. ಘಟನೆಯಲ್ಲಿ ಕೆಲವು ದಾಖಲೆಗಳು(ನಕಲಿ ಪ್ರತಿಗಳು) ಸೇರಿದಂತೆ ಒಂದು ಮರದ ಡೆಸ್ಕ್‌ ಹಾನಿಗೊಂಡಿರುತ್ತದೆ ಎಂದು ತಿಳಿದು ಬಂದಿದೆ. ಘಟನೆ ತಿಳಿಯುತ್ತಲೆ ಬ್ಯಾಂಕಿನ ಗ್ರಾಹಕರು ಸಹಿತ ಸ್ಥಳಿಯರು ಬ್ಯಾಂಕ್‌ ಮುಂದೆ ಜಮಾಯಿಸಿದ್ದರು. ಬಳಿಕ ಹೆಚ್ಚಿನ ಅವಘಡ ಸಂಭವಿಸಿಲ್ಲ ಎಂದರಿತು ಸಮಧಾನಗೊಂಡರು. ಅಗ್ನಿ ನಂದಿಸುವ ಕಾರ್ಯಾಚರಣೆಯಲ್ಲಿ ಅಗ್ನಿಶಾಮಕ ಠಾಣೆಯ ಠಾಣಾಧಿಕಾರಿ ಆಲ್ಬರ್ಟ್‌ ಮೋನಿಸ್‌ ಸಿಬಂದಿಗಳಾದ ರವೀಂದ್ರ ,ರೂಪೇಶ್‌, ಹರಿಪ್ರಸಾದ್‌, ಕೇಶವ್‌, ಹಸನ್‌ ,ರವಿಚಂದ್ರ ಪಾಲ್ಗೊಂಡಿದ್ದರು.