ಶ್ವೇತ ಭವನ ಅಧಿಕಾರಿಯಾಗಿ ಕರಿನ್‌ ಜಾನ್‌ ಪಿಯರ್‌

ವಾಷಿಂಗ್ಟನ್‌: ಅಮೆರಿಕದ ಅಧ್ಯಕ್ಷೀಯ ಭವನ ವೈಟ್‌ಹೌಸ್‌ನ ಮಾಧ್ಯಮ ಕಾರ್ಯದರ್ಶಿಯಾಗಿ ಇದೇ ಮೊದಲ ಬಾರಿಗೆ ಕೃಷ್ಣವರ್ಣೀಯ ವ್ಯಕ್ತಿಯೊಬ್ಬರು ಆಗಿದ್ದಾರೆ.

ಸಲಿಂಗಕಾಮಿ ಎಂದು ನೇರವಾಗಿಯೇ ಗುರುತಿಸಿಕೊಂಡಿರುವ ಕರಿನ್‌ ಜಾನ್‌ ಪಿಯರ್‌ (44) ಈ ಸ್ಥಾನಕ್ಕೇರಿದ್ದಾರೆ ಎಂದು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಘೋಷಿಸಿದ್ದಾರೆ.

ಜಾನ್‌ ಇದುವರೆಗೆ ವೈಟ್‌ಹೌಸ್‌ನ ಮುಖ್ಯ ಉಪ ಮಾಧ್ಯಮ ಕಾರ್ಯದರ್ಶಿಯಾಗಿದ್ದರು. ಅವರು ಮೇ 13ಕ್ಕೆ ಅಧಿಕಾರ ಸ್ವೀಕರಿಸಲಿದ್ದಾರೆ. ಜೋ ಬೈಡೆನ್‌ ಆಡಳಿತ ತನ್ನ ಅವಧಿಯಲ್ಲಿ ಕಪ್ಪುವರ್ಣೀಯರಿಗೆ, ಭಾರತೀಯ ಮೂಲದವರಿಗೆ ಹೆಚ್ಚಿನ ಉನ್ನತ ಹುದ್ದೆಗಳನ್ನು ನೀಡಿದ್ದಾರೆ.