ಕರ್ಮಾನ್‌ ಕೌರ್‌ ಥಾಂಡಿ ಟಾಪ್‌-200 ರ್‍ಯಾಂಕಿಂಗ್‌

ಹೊಸದಿಲ್ಲಿ: ಭಾರತದ ಪ್ರತಿಭಾನ್ವಿತ ಟೆನಿಸ್‌ ಆಟಗಾರ್ತಿ ಕರ್ಮಾನ್‌  ಕೌರ್‌ ಥಾಂಡಿ ಮೊದಲ ಬಾರಿಗೆ ಟಾಪ್‌-200 ರ್‍ಯಾಂಕಿಂಗ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ನೂತನ ಡಬ್ಲ್ಯುಟಿಎ ವನಿತಾ ಸಿಂಗಲ್ಸ್‌ ರ್‍ಯಾಂಕಿಂಗ್‌ನಲ್ಲಿ 32 ಸ್ಥಾನಗಳ ನೆಗೆತ ಸಾಧಿಸಿದ್ದು, ಸರಿಯಾಗಿ 200ನೇ ಸ್ಥಾನ ಅಲಂಕರಿಸಿದ್ದಾರೆ. 

ಇದರೊಂದಿಗೆ ಡಬ್ಲ್ಯುಟಿಎ ರ್‍ಯಾಂಕಿಂಗ್‌ನಲ್ಲಿ ಟಾಪ್‌-200ರಲ್ಲಿ ಕಾಣಿಸಿಕೊಂಡ ಭಾರತದ ಕೇವಲ 6ನೇ ಟೆನಿಸ್‌ ಸಾಧಕಿಯಾಗಿ ಕರ್ಮಾನ್‌ ಗುರುತಿಸಲ್ಪಟ್ಟಿದ್ದಾರೆ. ಕಳೆದ ಎಪ್ರಿಲ್‌ನಲ್ಲಿ ಅಂಕಿತಾ ರೈನಾ ಈ ಯಾದಿ ಅಲಂಕರಿಸಿದ್ದರು.  ಸಾನಿಯಾ ಮಿರ್ಜಾ, ನಿರುಪಮಾ ವೈದ್ಯ ನಾಥನ್‌, ಶಿಖಾ ಉಬೇರಾಯ್‌, ಸುನೀತಾ ರಾವ್‌ ಈ ಸಾಧನೆ ಮಾಡಿದ್ದರು.