ಮಲ್ಪೆ: ನಮ್ಮದಲ್ಲದ ಚಹರೆ ಹೊತ್ತು ಬಾಳುತ್ತಿರುವ ಕನ್ನಡವು ನಿಜವಾದ ಕನ್ನಡವಾಗಬೇಕಾದರೆ ತನ್ನ ಒಡಲಾಳದ ಸಹಜ ಚಹರೆಗಳನ್ನು ಮತ್ತೆ ಮರುಜೋಡಿಸಿಕೊಂಡು ತನ್ನನ್ನೇ ತಾನು ಮತ್ತೆ ಕಂಡುಕೊಳ್ಳುವಂತಾಗಬೇಕಿದೆ ಎಂದು ಖ್ಯಾತ ಸಂಸ್ಕೃತಿ ಚಿಂತಕ ಡಾ| ನಟರಾಜ ಎಸ್‌. ಬೂದಾಳ್‌ ಹೇಳಿದರು.
ಅವರು ತೆಂಕನಿಡಿಯೂರು ಸರಕಾರಿ ಪ್ರಥಮ ದರ್ಜೆ ಕಾಲೇಜು ಮತ್ತು ಸ್ನಾತಕೋತ್ತರ ಅಧ್ಯಯನ ಕೇಂದ್ರದ ಕನ್ನಡ ವಿಭಾಗವು ಆಯೋಜಿ
ಸಿದ ಹತ್ರಾವಧಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.
ಈ ಸಂದರ್ಭದಲ್ಲಿ ಆಯೋಜಿಸಲಾದ ಗೋಷ್ಠಿಗಳಲ್ಲಿ ಕೃಷಿ, ಬಹುತ್ವ ಮತ್ತು ಬದುಕು ಕುರಿತು ಡಾ| ನರೇಂದ್ರ ರೈ ದೇರ್ಲ ಅವರು ಕೃಷಿ ಎಂದರೆ ಹೊಟ್ಟೆಯ ಹಸಿವಿಗೆ ಸಂಬಂಧಿಸಿದ್ದಷ್ಟೇ ಅಲ್ಲ, ಅದೊಂದು ಕೂಡು ಸಂಬಂಧದ ಸಾಂಸ್ಕೃತಿಕ ಆವರಣ ಎಂದರು. “ನೆಲಮೂಲ ನಾಗಾರಾಧನೆ’ ಕುರಿತು ಮಾತನಾಡಿದ ಡಾ| ಪೂವಪ್ಪ ಕಣಿಯೂರು ಅವರು ಕನ್ನಡ ಕರಾವಳಿಯ ಬದುಕಿನಲ್ಲಿ ಹಾಸು ಹೊಕ್ಕಾಗಿರುವ ನಾಗ ನಮ್ಮ ಆರಾಧನೆಯ ಕೇಂದ್ರದಲ್ಲಿದ್ದರೂ ನಾವು ಮಾತ್ರ ಹೊರಗಿದ್ದೇವೆ ಎಂದರು.
ಕಾಲೇಜಿನ ಪ್ರಾಂಶುಪಾಲ ಪ್ರೊ| ಬಾಲಕೃಷ್ಣ ಎಸ್‌. ಹೆಗ್ಡೆ ಅಧ್ಯಕ್ಷತೆ ವಹಿಸಿದ್ದರು.
ಮುಖ್ಯ ಅತಿಥಿಗಳಾಗಿ ಡಾ| ಗಣನಾಥ ಶೆಟ್ಟಿ ಎಕ್ಕಾರು, ಡಾ. ಸುರೇಶ್‌ ರೈ ಕೆ. ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಕಳೆದ 10 ವರ್ಷಗಳಲ್ಲಿ ಕನ್ನಡ ವಿಭಾಗದಿಂದ ರ್‍ಯಾಂಕ್‌ ಗಳಿಸಿದ 12 ಮಂದಿ ಸಾಧಕ ರನ್ನು ಗೌರವಿಸಲಾಯಿತು.
ಕನ್ನಡ ವಿಭಾಗ ಮುಖ್ಯಸ್ಥ ಡಾ| ಜಯಪ್ರಕಾಶ್‌ ಶೆಟ್ಟಿ ಪ್ರಸ್ತಾವಿಕವಾಗಿ ಮಾತನಾಡಿದರು ಕನ್ನಡ ವಿಭಾಗ ಪ್ರೊ| ರಾಧಾಕೃಷ್ಣ ಕಾರ್ಯಕ್ರಮ ನಿರೂಪಿಸಿದರು.
ಜತೆಗೆ ಸ್ಥಳೀಯ ಅಕ್ಕ-ಪಕ್ಕದ ಕಾಲೇಜಿನ ವಿಭಾಗದಿಂದ ಕಳೆದ 10 ವರ್ಷಗಳಲ್ಲಿ ಎಂ.ಎ. ಕನ್ನಡ ಪೂರೈಸಿದ ವಿದ್ಯಾರ್ಥಿಗಳು ಮತ್ತು ಉಪನ್ಯಾಸಕರ ಸಂವಾದ ಕಾರ್ಯಕ್ರಮ ಏರ್ಪಡಿಸಲಾಯಿತು.
