ಇಂದು ಪ್ರೇಮಿಗಳ ದಿನ. ಪರಸ್ಪರ ಪ್ರೀತಿಸೋ ಹುಡುಗ ಹುಡುಗಿಯರಿಗೆ ಇವತ್ತು ವಿಶೇಷ ಸಂಭ್ರಮ. ಆದರೆ, ಸಿಂಗಲ್ ಇರೋರಿಗೆ ?… ಈ ಪ್ರಶ್ನೆಗೆ ಸುಂದರವಾದ ಉತ್ತರ ನೀಡಿದ್ದಾರೆ ಸ್ಯಾಂಡಲ್ ವುಡ್ ಬೆಡಗಿ ಮೇಘನಾ ಗಾಂವ್ಕರ್ .
ಫೆ.14 ರಂದು ವಾಲೆಂಟೈನ್ಸ್ ಡೇ ಸಂಭ್ರಮಿಸುವ ಪ್ರೇಮಿಗಳನ್ನು ನೋಡಿ ಸಿಂಗಲ್ ಇರೋರು ಬೇಜಾರು ಮಾಡಿಕೊಳ್ಳುವ ಔಚಿತ್ಯ ಇಲ್ಲ. ಒಬ್ಬಂಟಿಯಾಗಿರೋರು ನೊಂದುಕೊಳ್ಳಬೇಡಿ. ಸಿಂಗಲ್ ಇರೋರಿಗೆ ಸ್ಪೆಷೆಲ್ ಗಿಫ್ಟ್ ಕೊಟ್ಟಿದ್ದಾರೆ ಚಾರ್ ಮಿನಾರ್ ಚೆಲುವೆ ಮೇಘನಾ. ಅಷ್ಟಕ್ಕೂ ಮೇಘನಾ ನೀಡಿರುವ ಗಿಫ್ಟ್ ಹಾಗೂ ಸಂದೇಶ ಏನು ಗೊತ್ತಾ?
ಇಂದು ತಮ್ಮ ಟ್ವಿಟರ್ ನಲ್ಲಿ ಸಿಂಗಲ್ ಇರೋರಿಗೆ ಸ್ಪೆಷೆಲ್ ಹಗ್ ನೀಡಿದ್ದಾರೆ ಈ ಚೆಂದುಳ್ಳಿ ಚೆಲುವಿ. ಜತೆಗೆ ‘ನಮ್ಮನ್ನೆ ನಾವು ಪ್ರೀತಿಸಬೇಕು. ಸೆಲ್ಫ ಲವ್ ಗಿರುವ ಶಕ್ತಿಯನ್ನ ಯಾರೂ ಅಲ್ಲಗಳೆಯುವಂತಿಲ್ಲ’ ಎಂದು ಹೇಳಿದ್ದಾರೆ.
ಇನ್ನು ‘ನಮ್ ಏರಿಯಾದಲ್ಲಿ ಒಂದಿನ’ ಸಿನಿಮಾ ಮೂಲಕ ಚಂದನವನಕ್ಕೆ ಕಾಲಿಟ್ಟ ಮೇಘನಾ, ‘ವಿನಾಯಕ ಗೆಳೆಯರ ಬಳಗ’, ‘ತುಘ್ಲಕ್’, ‘ಚಾರ್ ಮಿನಾರ್’ , ‘ಭಕ್ತ ಶಂಕರ’, ‘ಸಿಂಪಲ್ಲಾಗ್ ಇನ್ನೊಂದ್ ಲವ್ ಸ್ಟೋರಿ’ ಹಾಗೂ ‘ಕಾಳಿದಾಸ ಕನ್ನಡ ಮೇಷ್ಟ್ರು’ ಸಿನಿಮಾದಲ್ಲಿ ನಟಿಸಿದ್ದಾರೆ. ಇವರ ಚಾರ್ ಮೀನಾರ್ ಚಿತ್ರ ದೊಡ್ಡ ಯಶಸ್ಸು ಕಂಡಿದೆ.
