Kangana Ranaut ಬಳಿ 4.5 ಕೋಟಿ ಮೌಲ್ಯದ 50 ಪಾಲಿಸಿ: ಅಫಿದವಿತ್‌

ಶಿಮ್ಲಾ: ಹಿಮಾಚಲ ಪ್ರದೇಶದ ಮಂಡಿ ಲೋಕಸಭಾ ಕ್ಷೇತ್ರದಿಂದ ನಟಿ ಹಾಗೂ ಬಿಜೆಪಿ ನಾಯಕಿ ಕಂಗನಾ ರಣಾವತ್‌ ಮಂಗಳವಾರ ನಾಮಪತ್ರ ಸಲ್ಲಿಸಿದ್ದಾರೆ. ಇದರೊಂದಿಗೆ ತಮಗೆ 91.66 ಕೋಟಿ ರೂ. ಆಸ್ತಿ ಇರುವು ದಾಗಿ ಘೋಷಣೆ ಮಾಡಿದ್ದಾರೆ.

ಜತೆಗೆ ತಮ್ಮ ಬಳಿ ತಲಾ 10 ಲಕ್ಷ ರೂ.ಮೌಲ್ಯದ  49 ಹಾಗೂ 5 ಲಕ್ಷ ರೂ.ನ ಒಂದು ಎಲ್‌ಐಸಿ, ಒಟ್ಟು 50 ಎಲ್‌ಐಸಿ ಪಾಲಿಸಿ ಇರುವುದಾಗಿ ಮಾಹಿತಿ ನೀಡಿದ್ದಾರೆ.

ಮನೆ, ಐಷಾರಾಮಿ ಕಾರು, ವಾಣಿಜ್ಯ ಕಟ್ಟಡಗಳು, ಚಿನ್ನಾಭರಣ, ವಿವಿಧ ಹೂಡಿಕೆಗಳು ಎಲ್ಲ ಒಟ್ಟಾಗಿ 91 ಕೋಟಿ ಆಸ್ತಿ ವಿವರವನ್ನು ಕಂಗನಾ ಅಫಿದವಿತ್‌ನಲ್ಲಿ ಉಲ್ಲೇಖೀಸಿದ್ದಾರೆ.  ಬಾಲಿವುಡ್‌ನ‌ಲ್ಲಿ ಯಶಸ್ವಿಯಾಗಿರುವ ತಾನು ರಾಜಕೀಯದಲ್ಲೂ ಯಶಸ್ವಿಯಾಗುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.