Advertisement
ಕಲಾವಿದರು ನಮ್ಮ ಎದುರೇ ನಿಂತುಕೊಂಡು ಅಭಿನಯಿಸುತ್ತಿದ್ದಾರೆಂಬ ವಿಶೇಷ ಅನುಭವ ನೀಡುವುದೇ “ಹಾಲೋಗ್ರಾಮ್‌’ ತಂತ್ರಜ್ಞಾನದ ಗತ್ತು. ಇಲ್ಲಿ ಪಾರದರ್ಶಕ ಪರದೆ ಇರುತ್ತದೆ. ಆದರೆ ಅದು ಕಣ್ಣಿಗೆ ಕಾಣುವುದಿಲ್ಲ. ಯಾವ ಕೋನದಲ್ಲಿ ವೀಕ್ಷಿಸಿದರೂ ಚಿತ್ರ ನೈಜತೆ, ಸ್ಪಷ್ಟತೆ ಈ ತಂತ್ರಜ್ಞಾನದಿಂದ ಸಿಗುತ್ತದೆ.
ಬಾಡದಲ್ಲಿ ಕನಕರ ಜೀವನ, ಅವರ ಜೀವನ ಸಂದೇಶ ಸಾರುವ ಕಥನಗಳನ್ನು ತ್ರಿಡಿ ಆ್ಯನಿಮೇಶನ್‌ ಮಾಡಿ ಅದನ್ನು ಹಾಲೋಗ್ರಾಮ್‌ ತಂತ್ರಜ್ಞಾನಕ್ಕೆ ಅಳವಡಿಸಲಾಗಿದೆ. ಹೀಗಾಗಿ ಇದನ್ನು “ತ್ರಿಡಿ ಹಾಲೋಗ್ರಾಮ್‌’ ತಾಂತ್ರಿಕತೆ ಹೊಂದಿದ ಕಿರುಚಿತ್ರ ಎನ್ನಲಾಗುತ್ತಿದೆ.
Related Articles
Advertisement
ಇದರೊಂದಿಗೆ ಅರಮನೆ ಆವರಣದಲ್ಲಿರುವ ಕನಕರ ಜೀವನ ಕಥೆ ಸಾರುವ ಪೇಟಿಂಗ್‌ ಆಧರಿಸಿಯೂ ಹಾಲೋಗ್ರಾಮ್‌ ತಂತ್ರಜ್ಞಾನ ಹೊಂದಿದ 9 ನಿಮಿಷದ ಕಿರುಚಿತ್ರ ಸಹ ತಯಾರಿಸಲಾಗಿದೆ. ಇದರೊಂದಿಗೆ ಬಾಡದ ನೈಜ ಚಿತ್ರಗಳು ಹಾಗೂ ಕಲಾವಿದರಿಂದ ಕನಕರ ಕುರಿತು ಅಭಿನಯ ಮಾಡಿಸಿ ಅದನ್ನು ಹಾಲೋಗ್ರಾಮ್‌ ತಂತ್ರಜ್ಞಾನ ಮೂಲಕ ಪ್ರದರ್ಶಿಸುವ ಗುರಿ ಕಾಗಿನೆಲೆ ಅಭಿವೃದ್ಧಿ ಪ್ರಾಧಿ ಕಾರದ್ದಾಗಿದೆ.
ಕವಿ ಶ್ರೇಷ್ಠ ಕನಕದಾಸರನ್ನು ಜನರಿಗೆ ವೈವಿಧ್ಯಮಯವಾಗಿ ಹಾಗೂ ಪ್ರಭಾವಶಾಲಿಯಾಗಿ ಪರಿಚಯಿಸುವ ಪ್ರಯತ್ನವಾಗಿ ಈ ಹಾಲೋಗ್ರಾಮ್‌ ಹೊಸ ತಂತ್ರಜ್ಞಾನ ಆಧಾರಿತ ಕಿರುಚಿತ್ರ ನಿರ್ಮಿಸಿ ಪ್ರದರ್ಶಿಸಲಾಗುತ್ತಿದೆ. ಕಳೆದೊಂದು ವರ್ಷಗಳಿಂದ ತಂತ್ರಜ್ಞರು ಬಾಡಕ್ಕೆ ಬಂದು ವಿವಿಧ ರೀತಿಯಲ್ಲಿ ಪ್ರಯೋಗ ಮಾಡಿ ಯಶಸ್ವಿ ಪ್ರದರ್ಶನಕ್ಕೆ ಅವಕಾಶ ಮಾಡಿಕೊಟ್ಟಿದ್ದಾರೆ. ಇದು ರಾಜ್ಯದಲ್ಲೇ ಮೊದಲು ಎನ್ನಬಹುದಾಗಿದೆ.-ಮಲ್ಲೇಶಪ್ಪ ಹೊರಪೇಟೆ, ಆಯುಕ್ತರು, ಕಾಗಿನೆಲೆ ಅಭಿವೃದ್ಧಿ ಪ್ರಾಧಿಕಾರ. ಪಾತ್ರಗಳಿಗೆ ನೈಜತೆಯ ಜೀವ ತುಂಬುವ ವಿಶೇಷ ತಂತ್ರಜ್ಞಾನವೇ ಹಾಲೋಗ್ರಾಮ್‌. ಈ ತಂತ್ರಜ್ಞಾನ ದೇಶದಲ್ಲಿ ಇನ್ನೂ ಪ್ರಯೋಗ ಹಂತದಲ್ಲಿರುವಾಗಲೇ ಬಾಡದಲ್ಲಿ ಯಶಸ್ವಿಯಾಗಿ ಪ್ರದರ್ಶನಗೊಳ್ಳುತ್ತಿರುವುದು ಹೆಮ್ಮೆಯ ಸಂಗತಿ. ಇಂಥ ತಂತ್ರಜ್ಞಾನ ಉತ್ತರ ಕರ್ನಾಟಕದ ಭಾಗ ಅದರಲ್ಲೂ ಹಾವೇರಿ ಜಿಲ್ಲೆಗೆ ಬಂದಿರುವ ಹಿಂದೆ ಶಿಗ್ಗಾವಿ ಶಾಸಕ ಬಸವರಾಜ ಬೊಮ್ಮಾಯಿಯವರ ಸಹಕಾರ ಮರೆಯುವಂತಿಲ್ಲ.
– ಚಂದ್ರಕಾಂತ ಸೊನ್ನದ, ಸಾಕ್ಷ್ಯಚಿತ್ರ ನಿರ್ದೇಶಕರು – ಎಚ್‌.ಕೆ. ನಟರಾಜ