ಅಬ್ರಾಹ್ಮಣ ಅರ್ಚಕರ ನೇಮಕ: ಕೇರಳ CM ಗೆ ಕಮಲ ಹಾಸನ್‌ ಪ್ರಶಂಸೆ

ತಿರುವನಂತಪುರ: ತಿರುವಾಂಕೂರು ದೇವಸ್ವಂ ಮಂಡಳಿಯ ಆಡಳಿತೆಗೆ ಒಳಪಟ್ಟ ದೇವಸ್ಥಾನಗಳಿಗೆ ಆರು ದಲಿತರ ಸಹಿತ 36 ಬ್ರಾಹ್ಮಣೇತರ ಅರ್ಚಕರನ್ನು ನೇಮಿಸುವ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಸರಕಾರವನ್ನು ಖ್ಯಾತ ನಟ ಕಮಲ ಹಾಸನ್‌ ಸ್ವಾಗತಿಸಿ ಪ್ರಶಂಸಿಸಿದ್ದಾರೆ. 

ಕಮಲ ಹಾಸನ್‌ ಅವರು ಕೇರಳ ಸರಕಾರದ ಈ ನಿರ್ಧಾರಕ್ಕೆ ಮೆಚ್ಚುಗೆ ಸೂಚಿಸಿ ತಮ್ಮ ಫೇಸ್‌ ಬುಕ್‌ ಖಾತೆಯಲ್ಲಿ  ಪ್ರಶಂಸೆಯ ಮಾತುಗಳನ್ನು ಬರೆದಿದ್ದಾರೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಅವರ ಈ ಐತಿಹಾಸಿಕ ನಿರ್ಧಾರದ ಮೂಲಕ ಕ್ರಾಂತಿಕಾರಿ ಚಿಂತಕ ಪೆರಿಯಾರ್‌ ರಾಮಸ್ವಾಮಿ ಅವರ ಕನಸು ನನಸಾದಂತಾಗಿದೆ ಎಂದು ಕಮಲ ಹಾಸನ್‌ ಹೇಳಿದ್ದಾರೆ. 

ಕೇರಳದಲ್ಲಿ ಟಿಡಿಬಿ, ಶಬರಿಮಲೆಯ ಅಯಪ್ಯ ಸ್ವಾಮಿ ದೇವಳ ಸಹಿತ 1,248 ದೇವಾಲಯಗಳ ಆಡಳಿತೆಯನ್ನು ನಿರ್ವಹಿಸುತ್ತಿದೆ.