ಐಪಿಎಲ್‌ನಿಂದ ರಬಾಡ ಔಟ್‌

ಕೇಪ್‌ಟೌನ್‌: ವಿಶ್ವದ ಅಗ್ರ ಶ್ರೇಯಾಂಕಿತ ಟೆಸ್ಟ್‌ ಬೌಲರ್‌ ದಕ್ಷಿಣ ಆಫ್ರಿಕಾದ ಕಾಗಿಸೊ ರಬಾಡ ಐಪಿಎಲ್‌ನಿಂದ ಹೊರ ಬಿದ್ದಿದ್ದಾರೆ. ಬೆನ್ನು ನೋವಿಗೆ ಅವರು ತುತ್ತಾಗಿರುವುದು ಇದಕ್ಕೆ ಕಾರಣವೆಂದು ಕ್ರಿಕೆಟ್‌ ಸೌತ್‌ ಆಫ್ರಿಕಾ ಗುರುವಾರ ತಿಳಿಸಿದೆ.

ಈ ಐಪಿಎಲ್‌ ಆವೃತ್ತಿಯಲ್ಲಿ ದಿಲ್ಲಿ ತಂಡವನ್ನು ಪ್ರತಿನಿಧಿಸಲಿದ್ದ ರಬಾಡ ಗಾಯಗೊಂಡಿರುವ ಬಗ್ಗೆ ಪ್ರತಿಕ್ರಿಯಿಸರುವ ಆಫ್ರಿಕಾ ಟೀಮ್‌ ಮ್ಯಾನೇಜರ್‌ ಮೊಹಮ್ಮದ್‌ ಮೂಸಾಜೀ, “ರಬಾಡ ಅವರು ಬೆನ್ನು ಗಾಯಕ್ಕೆ ತುತ್ತಾಗಿರುವುದು ಪರೀಕ್ಷೆಯಲ್ಲಿ ತಿಳಿದುಬಂದಿದೆ. ಹಾಗಾಗಿ ಮೂರು ತಿಂಗಳ ಕಾಲ ಅವರು ಕ್ರಿಕೆಟ್‌ ಚಟುವಟಿಕೆಗಳಿಂದ ದೂರವಿರಲಿದ್ದಾರೆ’ ಎಂದಿದ್ದಾರೆ.