Waqf ಆಸ್ತಿ ವಿವಾದ: ರಾಜ್ಯಗಳು ನೀಡಿದ ಮಾಹಿತಿಗೆ ಜೆಪಿಸಿ ಅತೃಪ್ತಿ

ಹೊಸದಿಲ್ಲಿ: ಕರ್ನಾಟಕ, ರಾಜಸ್ಥಾನ ಹಾಗೂ ಮಧ್ಯಪ್ರದೇಶಗಳಲ್ಲಿನ ವಕ್ಫ್ ಆಸ್ತಿ ಬಗ್ಗೆ ಮಾಹಿತಿ ಕೇಳಿದ್ದ ವಕ್ಫ್ ತಿದ್ದುಪಡಿ ಮಸೂದೆಯನ್ನು ಪರಿಶೀಲಿಸುತ್ತಿರುವ ಜಂಟಿ ಸಂಸದೀಯ ಸಮಿತಿ ರಾಜ್ಯಗಳು ನೀಡಿರುವ ಪ್ರತಿಕ್ರಿಯೆಯಿಂದ ತೃಪ್ತಿ­ಗೊಂಡಿಲ್ಲ. ಅಲ್ಪಸಂಖ್ಯಾಕರ ವ್ಯವಹಾರಗಳ ಇಲಾಖೆ ನಿರ್ದಿಷ್ಟಪಡಿಸಿದ ನಮೂನೆಯಲ್ಲಿ ರಾಜ್ಯ ಗಳು ಮಾಹಿತಿ ಸಲ್ಲಿಸಿಲ್ಲ ಎಂದು ಗುರುವಾರ ಹೇಳಿದೆ.

ಜಗದಾಂಬಿಕಾ ಪಾಲ್‌ ನೇತೃತ್ವದ ಸಮಿ ತಿಯು ರಾಜ್ಯಗಳಿಗೆ ಪ್ರತಿಕ್ರಿಯೆ ನೀಡಲು ಮತ್ತೆ 15 ದಿನಗಳ ಕಾಲಾವಕಾಶ ನೀಡಿದ್ದು, ಬಳಿಕ ಸಮಿತಿ ಮುಂದೆ ಪ್ರತಿನಿಧಿಗಳು ಹಾಜರಾಗಬೇಕಿದೆ. ಮುಂದಿನ ಜ.18, ಜ.20ರ ನಡುವೆ ಸಮಿತಿಯು ಕೋಲ್ಕತಾ, ಪಟ್ನಾ ಹಾಗೂ ಲಕ್ನೋಗೂ ಭೇಟಿಯಾಗಲಿದೆ ಎಂದು ಪಾಲ್‌ ಹೇಳಿದ್ದಾರೆ.