ಒಡಿಶಾದಲ್ಲಿ ಪತ್ರಕರ್ತರು “ಮುಂಚೂಣಿ ಸೇನಾನಿಗಳು’

ಭುವನೇಶ್ವರ: ಕೋವಿಡ್ ಕಾಲದಲ್ಲಿ ಪತ್ರಕರ್ತರ ಸೇವೆ ಅಮೂಲ್ಯ ಎಂದು ಪರಿಗಣಿಸಿರುವ ಒಡಿಶಾ ರಾಜ್ಯ ಸರಕಾರವು ಕಾರ್ಯ ನಿರತ ಪತ್ರಕರ್ತರನ್ನೂ “ಮುಂಚೂಣಿಯ ಕೊರೊನಾ ಸೇನಾನಿಗಳು’ ಎಂದು ಘೋಷಿಸಿದೆ.

ಸರಕಾರದ ಈ ನಿರ್ಧಾರದಿಂದ ರಾಜ್ಯದ 6,944 ಪತ್ರಕರ್ತರಿಗೆ ಸಹಾಯವಾಗಲಿದೆ. ಅವರು ಗೋಪಬಂಧು ಸಂಬಂಧಿಕ ಸ್ವಾಸ್ಥ್ಯ ವಿಮಾ ಯೋಜನೆಯಡಿ ತಲಾ 2 ಲಕ್ಷ ರೂ.ಗಳ ವಿಮಾ ಸುರಕ್ಷೆ ಪಡೆಯಲಿದ್ದಾರೆ. ಕರ್ತವ್ಯ ದಲ್ಲಿದ್ದಾಗ ಕೊರೊನಾದಿಂದ ಮರಣ ಹೊಂದುವ ಪತ್ರಕರ್ತರ ಕುಟುಂಬಕ್ಕೆ 15 ಲಕ್ಷ ರೂ. ಪರಿಹಾರ ಧನ ನೀಡುವುದಾಗಿಯೂ ಒಡಿಶಾ ಸರಕಾರ ಹೇಳಿದೆ.