ಜಪಾನ್‌ ಓಪನ್‌: ಜೊಕೋ- ಮಿಲ್‌ಮ್ಯಾನ್ ಫೈನಲ್‌

ಟೋಕಿಯೊ: ವಿಶ್ವದ ನಂಬರ್‌ ವನ್‌ ಆಟಗಾರ ನೊವಾಕ್‌ ಜೊಕೋವಿಕ್‌ ಮತ್ತು ಆಸ್ಟ್ರೇಲಿಯದ ಜಾನ್‌ ಮಿಲ್‌ಮ್ಯಾನ್ “ಜಪಾನ್‌ ಓಪನ್‌ ಟೆನಿಸ್‌’ ಕೂಟದ ಫೈನಲ್‌ನಲ್ಲಿ ಸೆಣಸಲಿದ್ದಾರೆ.

ಜಪಾನ್‌ ಓಪನ್‌ನಲ್ಲಿ ಇದೇ ಮೊದಲ ಸಲ ಆಡಲಿಳಿದಿರುವ ಜೊಕೋವಿಕ್‌, ಶನಿವಾರದ ಸೆಮಿಫೈನಲ್‌ನಲ್ಲಿ ಬೆಲ್ಜಿಯಂನ 3ನೇ ಶ್ರೇಯಾಂಕಿತ ಡೇವಿಡ್‌ ಗೊಫಿನ್‌ ವಿರುದ್ಧ 6-3, 6-4 ನೇರ ಸೆಟ್‌ಗಳ ಜಯ ಸಾಧಿಸಿದರು. ಗೊಫಿನ್‌ ಈ ಕೂಟದಲ್ಲಿ ಉಳಿದಿದ್ದ ಏಕೈಕ ಮಾಜಿ ಚಾಂಪಿಯನ್‌ ಆಗಿದ್ದರು. ಅವರು 2017ರಲ್ಲಿ ಜಪಾನ್‌ ಓಪನ್‌ ಪ್ರಶಸ್ತಿ ಜಯಿಸಿದ್ದರು. ಇನ್ನೊಂದು ಸೆಮಿ ಪಂದ್ಯದಲ್ಲಿ ಮಿಲ್‌ಮ್ಯಾನ್ ಅಮೆರಿಕದ ರೀಲಿ ಒಪೆಲ್ಕ ವಿರುದ್ಧ 6-3, 7-6 (4)ರಿಂದ ಗೆದ್ದು ಬಂದರು.