ಶೋಪಿಯಾನ್‌‌:ಸೇನೆಯಿಂದ ಲಷ್ಕರ್‌ ಉಗ್ರ ಸೆರೆ,ಓರ್ವನ ಹತ್ಯೆ 

ಶ್ರೀನಗರ: ಶೋಪಿಯಾನ್‌ನಲ್ಲಿ ಭಾನುವಾರ ಸೇನಾ ಪಡೆಗಳು ನಡೆಸಿದ ಕಾರ್ಯಾಚರಣೆ ಯಲ್ಲಿ ಲಷ್ಕರ್‌-ಎ-ತೋಯ್ಬಾ ಸಂಘಟನೆಯ ಓರ್ವ ಉಗ್ರನನ್ನು ಜೀವಂತವಾಗಿ ಸೆರೆ ಹಿಡಿದಿದ್ದು, ಹಿಜ್ಬುಲ್‌ ಉಗ್ರನನ್ನು ಗುಂಡಿಕ್ಕಿ ಹತ್ಯೆಗೈಯಲಾಗಿದೆ.

ಬಾರ್‌ಬಹಾ ಎಂಬಲ್ಲಿ ಸೇನಾ ಪಡೆಗಳು ಉಗ್ರರ ಅಡಗುತಾಣದ ಮೇಲೆ ಶನಿವಾರ ಸಂಜೆಯೆ ಕಾರ್ಯಾಚರಣೆಗಿಳಿದ್ದಿದ್ದು ಈ ವೇಳೆ ಶಸ್ತ್ರಾಸ್ತ್ರ ಸಹಿತ ಉಗ್ರ ಅದಿಲ್‌ ದಾರ್‌ನನ್ನು ವಶಕ್ಕೆ ಪಡೆದಿದ್ದಾರೆ ಎಂದು ವರದಿಯಾಗಿದೆ. ಹತ್ಯೆಗೀಡಾದ ಉಗ್ರ ತಾರೀಖ್‌ ಹಾ ಭಟ್‌ ಎಂದು ಗುರುತಿಸಲಾಗಿದೆ. 

ಸ್ಥಳದಲ್ಲಿ ಇನ್ನಿಬ್ಬರು ಉಗ್ರರು ಅಡಗಿರುವ ಬಗ್ಗೆ ಶಂಕೆ ವ್ಯಕ್ತವಾಗಿದ್ದು ಕಾರ್ಯಾಚರಣೆ ಮುಂದುವರಿದಿದೆ.