ಟೆಲಿಕಾಂ ಕ್ಷೇತ್ರದಲ್ಲಿ ಕ್ರಾಂತಿಗೆ ಕಾರಣವಾದ ಜಿಯೋ ಇದೀಗ ತನ್ನ ಗ್ರಾಹಕರಿಗೆ ಮತ್ತೊಂದು ಹೊಸ ಸೌಲಭ್ಯ ಒದಗಿಸಿದೆ, ಅದುವೆ ವಾಟ್ಸಾಪ್ ಮೂಲಕ ರಿಚಾರ್ಜ್ ಮಾಡಿಕೊಳ್ಳುವುದು.
ಜಿಯೋ ಗ್ರಾಹಕರು ವಾಟ್ಸ್ಪ್ ಮೂಲಕ ರೀಚಾರ್ಜ್ ಮಾಡುವ ವಿನೂತನ ಅವಕಾಶ ದೊರೆತಿದೆ. ಅದರ ಜತೆಗೆ ಹಣ ಪಾವತಿ, ಅಹವಾಲುಗಳಿಗೆ ಉತ್ತರ, ದೂರು ನೀಡುವುದು ಹೀಗೆ ಕೆಲವು ಚಟುವಟಿಕೆಗಳನ್ನು ವಾಟ್ಸ್ಆಯಪ್ ಮೂಲಕವೇ ಮಾಡಬಹುದಾಗಿದೆ.
ಇನ್ನು ಹೊಸ ಜಿಯೋ ಸಿಮ್ ಖರೀದಿಸಲು, ಅಥವಾ ಪೋರ್ಟ್ ಮಾಡಲು, ಜಿಯೋ ಸಿಮ್ ಒಳಗೊಂಡಿರುವ ಸವಲತ್ತುಗಳನ್ನು ತಿಳಿಯಲು , ಜಿಯೋ ಫೈಬರ್, ಜಿಯೋ ಮಾರ್ಟ್ ಹೀಗೆ ನಾನಾ ಕೆಲಸವನ್ನು ಇದರ ಮೂಲಕವೇ ಮಾಡಬಹುದಾಗಿದೆ.
ಈ ಸೇವೆ ಪಡೆಯುವುದು ಹೇಗೆ ?
ಜಿಯೋ ಸಿಮ್ ಬಳಕೆದಾರರು ವಾಟ್ಸ್ಆಯಪ್ ಮೂಲಕ ಈ ಸೇವೆ ಪಡೆಯಲು ಮೊದಲು ವಾಟ್ಸ್ಆಯಪ್ ಮೂಲಕ 70007 70007 ಸಂಖ್ಯೆಯನ್ನು ಸೇವ್ ಮಾಡಿ ಹಾಯ್ ಎಂದು ಮೆಸೇಜ್ ಮಾಡಬೇಕು. ಇಷ್ಟಾದ ಬಳಿಕ ವ್ಯಾಲೆಟ್, ಯುಪಿಐ, ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಮೂಲಕ ಪಾವತಿ ಆಯ್ಕೆಯನ್ನು ಪಡೆದುಕೊಳ್ಳಬಹುದಾಗಿದೆ. ಆ ಬಳಿಕ ರೀಚಾರ್ಜ್ ಸೇರಿದಂತೆ ಎಲ್ಲಾ ಸೇವೆಯನ್ನು ಪಡೆಯಬಹುದಾಗಿದೆ.
ಸದ್ಯ ಗ್ರಾಹಕರಿಗಾಗಿ ವಾಟ್ಸ್ಆಯಪ್ ಮೂಲಕ 1)ಜಿಯೋ ರೀಚಾರ್ಜ್, 2)ಹೊಸ ಸಿಮ್ ಪಡೆಯುವುದು, 3)ಪೋರ್ಟ್ ಮಡುವುದು, 4)ಜಿಯೋ ಫೈಬರ್, 5)ಜಿಯೋ ಸಿಮ್ ನೆರವು, 6)ಅಂತರಾಷ್ಟ್ರೀಯ ರೋಮಿಂಗ್, 7)ಜಿಯೋ ಮಾರ್ಟ್ ಸೇವೆ ಪಡೆಯಬಹುದಾಗಿದೆ.
ಸದ್ಯ ಜಿಯೋ ಗ್ರಾಹಕರಿಗೆ ಈ ಸೇವೆ ಇಂಗ್ಲೀಷ್ ಮತ್ತು ಹಿಂದಿ ಭಾಷೆಯಲ್ಲಿ ಮಾತ್ರ ಈ ಸೇವೆ ಸಿಗುತ್ತಿದೆ. ಮುಂದಿನ ದಿನದಲ್ಲಿ ದೇಶಿ ಭಾಷೆಯಲ್ಲೂ ಬಳಸಬಹುದಾದ ಆಯ್ಕೆ ನೀಡಲಿದೆ.
