ಜೆ.ಡಿ.ಚಕ್ರವರ್ತಿ ಸಾರಥ್ಯದಲ್ಲಿ ಭೂ, ಉತಾಹಿ

ತೆಲುಗಿನ ನಟ ಕಮ್‌ ನಿರ್ದೇಶಕ ಜೆ.ಡಿ.ಚಕ್ರವರ್ತಿ ಇದೇ ಮೊದಲ ಬಾರಿಗೆ ಕನ್ನಡಕ್ಕೆ ಬರುತ್ತಿದ್ದಾರೆ. ಈ ಹಿಂದೆ ಪೂಜಾ ಗಾಂಧಿ ಅವರ “ರಾವಣಿ’ಯಲ್ಲಿ ನಟಿಸುತ್ತಾರೆಂಬ ಸುದ್ದಿ ಇತ್ತಾದರೂ, ಆ ಚಿತ್ರ ಸೆಟ್ಟೇರಲಿಲ್ಲ. ಈಗ ಪೂಜಾ ಗಾಂಧಿ ಅವರ “ಎಂಟರ್‌ಟೈನ್‌ಮೆಂಟ್‌ ಫ್ಯಾಕ್ಟರಿ’ಯಲ್ಲಿ ತಯಾರಾಗುತ್ತಿರುವ “ಭೂ’ ಮತ್ತು “ಉತಾಹಿ’ ಸಿನಿಮಾಗಳಿಗೆ ಆ್ಯಕ್ಷನ್‌ ಕಟ್‌ ಹೇಳುವ ಮೂಲಕ ಕನ್ನಡಕ್ಕೆ ಕಾಲಿಡುತ್ತಿದ್ದಾರೆ ಜೆ.ಡಿ.ಚಕ್ರವರ್ತಿ.

ಈ ಕುರಿತು “ಉದಯವಾಣಿ’ ಜತೆ ಸ್ವತಃ ಜೆ.ಡಿ.ಚಕ್ರವರ್ತಿ ಆ ಎರಡು ಸಿನಿಮಾಗಳ ಕುರಿತು ಮಾತಾಡಿದ್ದಾರೆ. “ಭೂ’ ಮತ್ತು “ಉತಾಹಿ’ ಚಿತ್ರಗಳು ಹೊಸಬಗೆಯ ಕಥೆಗಳನ್ನು ಹೊಂದಿವೆ. “ಭೂ’ ಹಾರರ್‌ ಮತ್ತು ಸಸ್ಪೆನ್ಸ್‌ ಕಥೆ ಹೊಂದಿದೆ. ಇಷ್ಟಕ್ಕೂ ನಾನು ಕನ್ನಡದಲ್ಲಿ ನಿರ್ದೇಶನ ಮಾಡಲು ಕಾರಣ ಹೊಸಬಗೆಯ ಕಥೆಗಳನ್ನು ಕನ್ನಡಿಗರು ಸ್ವೀಕರಿಸುತ್ತಿರುವುದು. ಹೊಸತನ ಇರುವ ಕಥೆಗಳೇ ಇಲ್ಲಿ ಗೆಲ್ಲುತ್ತಿವೆ.  

“ಭೂ’ ಮತ್ತು “ಉತಾಹಿ’ ಕೂಡ ಹೊಸ ಬಗೆಯ ಕಥೆ ಹೊಂದಿದೆ. ಮೇ ನಲ್ಲಿ “ಉತಾಹಿ’ ಶುರುವಾಗಲಿದೆ. “ಭೂ’ ಗೂ ಸದ್ಯದಲ್ಲೇ ಚಾಲನೆ ದೊರೆಯಲಿದೆ. “ಉತಾಹಿ’ ಥ್ರಿಲ್ಲರ್‌ ಸಬೆjಕ್ಟ್ ಹೊಂದಿರುವ ಸಿನಿಮಾ. ಈ ಎರಡು ಚಿತ್ರಗಳಿಗೂ ಹರ್ಷರಾಜ್‌ ಕ್ಯಾಮೆರಾ ಹಿಡಿದರೆ, ಅಮರ್‌ ಮೊಹಿಲೆ ಸಂಗೀತವಿದೆ. ರಾಧಿಕಾ ಗಾಂಧಿ ಅವರು ಆನ್‌ಲೈನ್‌ ಪ್ರೊಡ್ಯುಸರ್‌ ಆಗಿ ಕೆಲಸ ಮಾಡಲಿದ್ದಾರೆ’ ಎಂದಷ್ಟೇ ವಿವರ ಕೊಡುತ್ತಾರೆ ಜೆ.ಡಿ.ಚಕ್ರವರ್ತಿ.