ಜಯಲಲಿತಾ ಎಸ್ಟೇಟ್‌ನಲ್ಲಿ ಮತ್ತೊಂದು ನಿಗೂಢ ಸಾವು,ಈಗ ಅಕೌಂಟೆಂಟ್‌ 

ಚೆನ್ನೈ: ತಮಿಳುನಾಡು ಮುಖ್ಯಮಂತ್ರಿ ಜಯಲಲಿತಾ ನಿಧನಾನಂತ ಅವರ ಆಸ್ತಿ ವಿಚಾರಕ್ಕಾಗಿ ಕಲಹ ಮುಂದುವರಿದಿರುವ ವೇಳೆಯಲ್ಲೇ ಅವರ ಕೋಡ್ನಾಡು ಎಸ್ಟೇಟ್‌ನ ಅಕೌಂಟೆಂಟ್‌ ಒಬ್ಬ ಮಂಗಳವಾರ ನಿಗೂಢವಾಗಿ ಶವವಾಗಿ ಪತ್ತೆಯಾಗಿದ್ದಾರೆ. 

28 ರ ಹರೆಯದ ದಿನೇಶ್‌ಕುಮಾರ್‌ ಕೊತಗಿರಿಯ ನಿವಾಸದಲ್ಲಿ ಫ್ಯಾನ್‌ಗೆ ನೇಣು ಬಿಗಿದ ಸ್ಥಿತಿಯಲ್ಲಿ ಅನುಮಾನಾಸ್ಪದವಾಗಿ ಶವವಾಗಿ ಪತ್ತೆಯಾಗಿದ್ದಾರೆ. 

ಇದು ಕೋಡ್ನಾಡು ಎಸ್ಟೇಟ್‌ನಲ್ಲಿ ನಡೆದ 2 ನೇ ನಿಗೂಢ ಸಾವಾಗಿದೆ. ಎಪ್ರಿಲ್‌ 24 ರಂದು ಎಸ್ಟೇಟ್‌ನ ಕಾವಲುಗಾರನನ್ನು ಗ್ಯಾಂಗ್‌ವೊಂದು ಬರ್ಬರವಾಗಿ ಹತ್ಯೆಗೈದಿತ್ತು.

2 ದಿನಗಳಹಿಂದೆ ಎಸ್ಟೇಟ್‌ನಲ್ಲಿ ತಮ್ಮ ಉದ್ಯೋಗ ಮತ್ತು ಭವಿಷ್ಯದ ಕುರಿತು ಸಹೊದ್ಯೋಗಿಗಳೊಂದಿಗೆ  ಸಾವನ್ನಪ್ಪಿರುವ ದಿನೇಶ್‌ ಕುಮಾರ್‌  ಚರ್ಚೆ ನಡೆಸಿದ್ದರು ಎಂದು ವರದಿಯಾಗಿದೆ. ಸಾವಿನ ಹಿಂದೆ ಕೌಟುಂಬಿಕ ಕಾರಣವೂ ಇರುವ ಸಾಧ್ಯತೆ ಇದೆ ಎಂದು ಪೊಲೀಸರು ತಿಳಿಸಿದ್ದಾರೆ.