ಜಾವೆಲಿನ್‌: ಶಿವಪಾಲ್‌ಗೆ ಟೋಕಿಯೊ ಒಲಿಂಪಿಕ್ಸ್‌ ಅರ್ಹತೆ

ಪೊಚೆಫ್ಸ್ಟ್ರೋಮ್‌: ಉದಯೋನ್ಮುಖ ಜಾವೆಲಿನ್‌ ತಾರೆ ಶಿವಪಾಲ್‌ ಸಿಂಗ್‌ ಟೋಕಿಯೊ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ಪೊಚೆಫ್ಸ್ಟ್ರೋಮ್‌ನಲ್ಲಿ ನಡೆದ ಎಸಿಎನ್‌ಡಬ್ಲ್ಯು ಕೂಟದ 5ನೇ ಪ್ರಯತ್ನದಲ್ಲಿ 85.47 ಮೀ. ಎಸೆಯುವ ಮೂಲಕ ಚಿನ್ನದ ಪದಕ ಗೆದ್ದು ಒಲಿಂಪಿಕ್ಸ್‌ ಅರ್ಹತೆ ಸಂಪಾದಿಸಿದರು. ಒಲಿಂಪಿಕ್ಸ್‌ ಅರ್ಹತಾ ಮಾನದಂಡ 85 ಮೀ. ಆಗಿತ್ತು. ಶಿವಪಾಲ್‌ ಒಲಿಂಪಿಕ್ಸ್‌ ಅರ್ಹತೆ ಪಡೆದ ಭಾರತದ ಎರಡನೇ ಜಾವೆಲಿನ್‌ ತಾರೆ. ಇದಕ್ಕೂ ಮೊದಲು ನೀರಜ್‌ ಚೋಪ್ರಾ ಈ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು.

ಮಹಿಳಾ ವಿಭಾಗದ ಸ್ಪರ್ಧೆಯಲ್ಲಿ ಅನ್ನು ರಾಣಿ 61.15 ಮೀ. ಎಸೆದು ಚಿನ್ನದ ಪದಕ ಜಯಿಸಿದರು. ಆದರೂ ಅನ್ನುಗೆ ಟೋಕಿಯೊ ಒಲಿಂಪಿಕ್ಸ್‌ ಅರ್ಹತಾ ಮಾನದಂಡ (64 ಮೀ.) ತಲುಪಲು ಸಾಧ್ಯವಾಗಲಿಲ್ಲ.