ಜಪ್ಪು: ವಿದ್ಯುತ್‌ ಕಂಬಕ್ಕೆ ಹಬ್ಬಿರುವ ಬಳ್ಳಿ ತೆರವು

ಜಪ್ಪು: ಜಪ್ಪು ಮಾರ್ಕೆಟ್‌ ಭಗಿನಿ ಸಮಾಜದ ಹತ್ತಿರದ ಬಾಳಪ್ಪ ಹೊಟೇಲ್‌ ಬಳಿಯಿರುವ ವಿದ್ಯುತ್‌ ಕಂಬದ ಮೇಲೆ ಬಳ್ಳಿಗಳು ಹರಡಿ, ಅಪಾಯದ ಸ್ಥಿತಿಯಿತ್ತು.

ವಿದ್ಯುತ್‌ ಕಂಬಕ್ಕೆ ಹರಡಿರುವ ಬಳ್ಳಿಯನ್ನು ತೆರವುಗೊಳಿಸಲು ಮೆಸ್ಕಾಂ ಕ್ರಮಕೈಗೊಳ್ಳುವಂತೆ ಎ. 14ರಂದು ‘ಸುದಿನ’ದ ಅಟೆನ್ಶನ್‌ ಪ್ಲೀಸ್‌ನಲ್ಲಿ ವರದಿ ಪ್ರಕಟಿಸಿತ್ತು.

ಇದನ್ನು ಗಮನಿಸಿದ ಮೆಸ್ಕಾಂ ಇಲಾಖೆಯು ಸಿಬಂದಿ ಮುಖೇನ ಗುರುವಾರ ಬೆಳಗ್ಗೆಯೇ ಕಾರ್ಯಾಚರಣೆ ನಡೆಸಿ ವಿದ್ಯುತ್‌ ಕಂಬದ ಮೇಲೆ ಹರಡಿರುವ ಬಳ್ಳಿಗಳನ್ನು ತೆರವು ಮಾಡಿದ್ದಾರೆ.