ಉಕ್ರೇನ್‌ ಗೆ ಜಪಾನ್‌ ಉದ್ಯಮಿಯಿಂದ ಆರ್ಥಿಕ ನೆರವು

ಜಪಾನಿನ ಇ-ಕಾಮರ್ಸ್‌ ಸಂಸ್ಥೆ ರಕುಟೆನ್‌ ಮುಖ್ಯಸ್ಥ ಹಿರೋಷಿ ಮಿಕಿಟನಿ ಉಕ್ರೇನ್‌ ಬೆಂಬಲಕ್ಕೆ ನಿಂತಿದ್ದಾರೆ. ಅವರು 65 ಕೋಟಿ ರೂ.ಗಳನ್ನು (8.7 ಮಿ.ಡಾ.) ಉಕ್ರೇನ್‌ ಅಧ್ಯಕ್ಷ ಝೆಲೆನ್ಸ್ಕಿ ಗೆ ನೀಡಿದ್ದಾರೆ.

ಯುದ್ಧದಿಂದ ದಿಕ್ಕಾಪಾಲಾಗಿರುವ ವ್ಯಕ್ತಿಗಳಿಗೆ ಈ ಹಣ ನೆರವಾಗಲಿ, ಪ್ರಸ್ತುತ ರಷ್ಯಾ ಮಾಡಿರುವ ದಾಳಿ ಪ್ರಜಾಪ್ರಭುತ್ವ ವ್ಯವಸ್ಥೆಗೆ ಹಾಕಿರುವ ಸವಾಲು, ನಾನು ನಿಮ್ಮೊಂದಿಗಿದ್ದೇನೆ ಎಂದು ಮಿಕಿಟನಿ ಹೇಳಿದ್ದಾರೆ.

ಹಾಗೆಯೇ ರಷ್ಯಾ ಮತ್ತು ಉಕ್ರೇನ್‌ ಪರಸ್ಪರ ಮಾತುಕತೆಯಾಡಿ ಸಮಸ್ಯೆ ಬಗೆ ಹರಿಸಿಕೊಳ್ಳಬೇಕೆಂದು ಮನವಿ ಮಾಡಿದ್ದಾರೆ. ಮಿಕಿಟನಿ 2019ರಲ್ಲಿ ಉಕ್ರೇನಿ ಝೆಲೆನ್ಸ್ಕಿಯನ್ನು ಭೇಟಿ ಮಾಡಿದ್ದರು ಎನ್ನುವುದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.