Advertisement
ಇದು ಜಪಾನ್‌ ರಾಜಧಾನಿ ಟೋಕಿ ಯೋದ ಐಟಿ ಕಂಪನಿಯೊಂದರಲ್ಲಿ ಪ್ರಾಜೆಕ್ಟ್ ಮ್ಯಾನೇಜರ್‌ ಆಗಿ ಕಾರ್ಯ ನಿರ್ವಹಿಸುತ್ತಿರುವ ಮೈಸೂರು ಮೂಲದ ಸಿರೀಶ್‌ ಚಂದ್ರ ಶೇಖರ್‌ ಅವರ ನಿಟ್ಟುಸಿರು. ಭೂಕಂಪ ಸಂಭವಿಸಿದ ಪೂರ್ವ ಜಪಾನ್‌ನ ಇಶಿಕಾವ ಪ್ರಾಂತದಿಂದ ಪಶ್ಚಿಮದ ಟೋಕಿಯೋಗೆ ಪ್ರಯಾಣಿಸುತ್ತ ಮಾರ್ಗ ಮಧ್ಯೆಯೇ ‘ಉದಯವಾಣಿ’ ಜತೆ ಮಾತನಾಡಿದ ಅವರು ತಮ್ಮ ಅನುಭವವನ್ನು ತೆರೆದಿ ಟ್ಟರು. ಅದನ್ನು ಅವರ ಮಾತುಗಳಲ್ಲೇ ಓದಿ..
ಕನ್ನಡಿಗರು ಸೇಫ್: ಜಪಾನ್‌ನಲ್ಲಿ ಸುಮಾರು 50 ಸಾವಿರ ಕನ್ನಡಿಗರಿದ್ದಾರೆ. ಈ ಪೈಕಿ ಸುಮಾರು 40 ಸಾವಿರ ಮಂದಿ ಪೂರ್ವ ಭಾಗದ ಟೋಕಿಯೋದಲ್ಲೇ ಇದ್ದಾರೆ. ಭೂಕಂಪ ಸಂಭವಿಸಿದ್ದು ಪಶ್ಚಿ ಮದ ಇಶಿಕಾವ ಪ್ರಾಂತದಲ್ಲಿ. ಹಾಗಾಗಿ, ಇಲ್ಲಿ ಬಹುತೇಕ ಕನ್ನಡಿಗರು ಸುರಕ್ಷಿತ ವಾಗಿದ್ದಾರೆ. ಇಶಿಕಾವದಲ್ಲಿ ಸಿಲುಕಿದ್ದ ಇನ್ನೊಂದು ಕನ್ನಡಿಗ ಕುಟುಂಬವೂ ಸುರಕ್ಷಿತವಾಗಿ ಪಾರಾಗಿದೆ.
Related Articles
ಇಶಿಕಾವಾದಲ್ಲಿ 7.6 ತೀವ್ರತೆಯಲ್ಲಿ ಭೂಮಿ ಕಂಪಿಸಿರುವ ಕಾರಣ, ಮುಂದಿನ 3ರಿಂದ 7 ದಿನಗಳ ಕಾಲ ಪ್ರಬಲ ಪಶ್ಚಾತ್‌ ಕಂಪನಗಳು ಸಂಭವಿಸಲಿವೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಎಲ್ಲೆಲ್ಲಿ ಭೂಮಿಯು ತೀವ್ರವಾಗಿ ಕಂಪಿಸಿದೆಯೋ ಅಲ್ಲಿ ಕಟ್ಟಡಗಳು ಕುಸಿದುಬೀಳುವ ಮತ್ತು ಭೂಕುಸಿತಗಳು ಸಂಭವಿಸುವ ಭೀತಿಯೂ ಇದೆ. ಹೀಗಾಗಿ, ಎಲ್ಲರೂ ಎಚ್ಚರಿಕೆ ವಹಿಸಿ ಎಂದು ಸೂಚಿಸಲಾಗಿದೆ.
Advertisement
2004ರ ಸುನಾಮಿ ನೆನಪಿಸಿದ ಭೂಕಂಪ!2024ರ ಜ.1ರಂದು ಜಪಾನ್‌ನಲ್ಲಿ ನಡೆದ ಭೂಕಂಪ ಮತ್ತು ಸುನಾಮಿಯ ಆತಂಕವು 2004ರ ಸುನಾಮಿಯನ್ನು ನೆನಪಿಸಿತು. 2004ರ ಡಿ.26ರಂದು ಇಡೀ ಜಗತ್ತೇ ಕ್ರಿಸಮಸ್‌ ಮುಗಿಸಿ, ಹೊಸ ವರ್ಷದ ಆಗಮನಕ್ಕೆ ಕಾದಿತ್ತು. ಅದೇ ದಿನ ಜಗತ್ತು ಹಿಂದೆಂದೂ ಕಂಡರಿಯದ ಭೀಕರ ಪ್ರಾಕೃತಿಕ ವಿಕೋಪಕ್ಕೆ ಸಾಕ್ಷಿಯಾಯಿತು. ಸಮುದ್ರದಲ್ಲಿ ಎದ್ದ ರಾಕ್ಷಸ ಅಲೆಗಳು ಒಂದೇ ದಿನ 2.50 ಲಕ್ಷ ಜನರನ್ನು ಬಲಿಪಡೆಯಿತು. ಇಂಡೋನೇಷ್ಯಾದ ಸುಮಾತ್ರ ಕರಾವಳಿಯಲ್ಲಿ ಸಮುದ್ರದಡಿ 9.0 ತೀವ್ರತೆಯಲ್ಲಿ ಸಂಭವಿಸಿದ ಕಂಪನವು ಕ್ಷಣಮಾತ್ರದಲ್ಲಿ ಲಕ್ಷಾಂತರ ಜೀವಗಳನ್ನು ಕಸಿದಿತ್ತು.