ಶ್ರೀನಗರ : ಇಂದು ಸೋಮವಾರ ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳು ನಡೆಸಿದ ಎನ್‌ಕೌಂಟರ್‌ನಲ್ಲಿ ಲಷ್ಕರ್‌ ಎ ತಯ್ಯಬ ಉಗ್ರ ಸಂಘಟನೆಯ ಭಯೋತ್ಪಾದಕನೋರ್ವ ಹತನಾಗಿದ್ದಾನೆ.
ಹತನಾದ ಉಗ್ರರು ಅಬು ಇಸ್ಮಾಯಿಲ್‌ ಉಗ್ರ ಸಮೂಹಕ್ಕೆ ಸೇರಿದವನೆಂದು ಗುಪ್ತಚರ ಮೂಲಗಳು ತಿಳಿಸಿವೆ
ಸಂಬೂರಾ ಗ್ರಾಮದಲ್ಲಿ ಕೆಲವು ಎಲ್‌ಇಟಿ ಉಗ್ರರು ಅಡಗಿಕೊಂಡಿದ್ದಾರೆ ಎಂಬ ಖಚಿತ ಸುಳಿವನ್ನು ಅನುಸರಿಸಿ ಭದ್ರತಾ ಪಡೆಗಳು ಭಾನುವಾರ ರಾತ್ರಿಯಿಂದಲೇ ಶಂಕಿತ ಪ್ರದೇಶವನ್ನು ಸುತ್ತುವರಿದು ಶೋಧ ಕಾರ್ಯಾಚರಣೆ ಆರಂಭಿಸಿದ್ದರು ಎಂದು ಪೊಲೀಸ್‌ ಅಧಿಕಾರಿ ತಿಳಿಸಿದ್ದಾರೆ.
ಭದ್ರತಾ ಪಡೆಗಳ ಎನ್ಕೌಂಟರ್ ತಾಣದಲ್ಲಿ ಉಗ್ರರಾದ ಲೇಲ್‌ಹಾರ್‌ ಪುಲ್ವಾಮಾದ ಅಯೂಬ್‌ ಲೇಲ್‌ಹಾರಿ ಮತ್ತು ರೆಹಮಾನ್‌ ನಾಲ್ಕೂ ಕಡೆಗಳಿಂದ ಸುತ್ತುವರಿಯಲ್ಪಟ್ಟಿದ್ದರು. ಆಗ ಅಡಗಿಕೊಂಡಿದ್ದ ಉಗ್ರರು ಭದ್ರತಾ ಪಡೆಗಳ ಮೇಲೆ ಗುಂಡಿನ ದಾಳಿಯನ್ನು ಆರಂಭಿಸಿದರು.
ಗುಂಡಿನ ಕಾಳಗದಲ್ಲಿ ಒಬ್ಬ ಎಲ್‌ಇಟಿ ಉಗ್ರ ಹತನಾದ. ಆತ ಯಾವ ಉಗ್ರ ಸಮೂಹಕ್ಕೆ ಸೇರಿದವನು ಮತ್ತು ಆತನ ಗುರುತು ವಿವರಗಳೇನು ಎಂಬುದನ್ನು ಜಾಲಾಡಲಾಯಿತು.
ಪುಲ್ವಾಮಾ ಜಿಲ್ಲೆಯಲ್ಲಿ ಪ್ರಕ್ಷುಬ್ಧ ಪ್ರದೇಶದಲ್ಲಿ ಕಾನೂನು ಮತ್ತು ಶಿಸ್ತನ್ನು ಕಾಪಿಡಲು ಭದ್ರತಾ ಅಧಿಕಾರಿಗಳು ಇಂಟರ್‌ನೆಟ್‌ ಸೇವೆಯನ್ನು ಬ್ಲಾಕ್‌ ಮಾಡಿದ್ದಾರೆ ಎಂದು ಗೊತ್ತಾಗಿದೆ.
