ಪುಲ್ವಾಮಾ ಉಗ್ರ ದಾಳಿ: ಇಬ್ಬರು ಜವಾನರು ಹುತಾತ್ಮ; 5 ಸೈನಿಕರಿಗೆ ಗಾಯ

ಶ್ರೀನಗರ: ಪುಲ್ವಾಮಾದಲ್ಲಿ  ನಸುಕಿನ ವೇಳೆ ಉಗ್ರರು ದಾಳಿ ನಡೆಸಿ ಅಟ್ಟಹಾಸಗೈದಿದ್ದು, ಗುಂಡಿನ ದಾಳಿಯಲ್ಲಿ ಇಬ್ಬರು ಜವಾನರು ಹುತಾತ್ಮರಾಗಿ ಐವರು ಭದ್ರತಾ ಪಡೆ ಸಿಬಂದಿಗಳು ಗಾಯಗೊಂಡಿರುವುದಾಗಿ ವರದಿಯಾಗಿದೆ. 

ಗಾಯಾಳಾಗಿದ್ದ ಪೊಲೀಸ್‌ ಸಿಬಂದಿಯ  ಸ್ಥಿತಿ ಚಿಂತಾಜನಕವಾಗಿತ್ತು. ಅವರು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿರುವ ಬಗ್ಗೆ ಸೇನಾ ಮೂಲಗಳು ತಿಳಿಸಿವೆ.

ನಸುಕಿನ 4.30 ರ ವೇಳೆ ಉಗ್ರರು ಗುಂಡಿನ ದಾಳಿ ನಡೆಸಿದ್ದು, ಸ್ಥಳಕ್ಕೆ ಹೆಚ್ಚುವರಿ ಪಡೆಗಳನ್ನು ಕರೆಸಿಕೊಂಡು ಉಗ್ರರಿಗಾಗಿ ಕಾರ್ಯಾಚರಣೆ ನಡೆಸಲಾಗುತ್ತಿದೆ. 

ಇಡೀ ಪ್ರದೇಶಗಳನ್ನು ಭದ್ರತಾ ಪಡೆಗಳು ಮತ್ತು ಪೊಲೀಸರು ಸುತ್ತುವರಿದು ಉಗ್ರರಿಗಾಗಿ ಶೋಧ ನಡೆಸುತ್ತಿದ್ದಾರೆ.