Jammu Kashmir; ಎರಡು ಕಾರ್ಯಾಚರಣೆಯಲ್ಲಿ ಮೂವರು ಉಗ್ರರ ಸದೆಬಡಿದ ಸೇನೆ

ಶ್ರೀನಗರ: ಉತ್ತರ ಕಾಶ್ಮೀರದ ಕುಪ್ವಾರ ಜಿಲ್ಲೆಯ ಮಚಿಲ್ ಮತ್ತು ತಂಗ್‌ಧರ್ ಪ್ರದೇಶಗಳಲ್ಲಿ ನಡೆಯುತ್ತಿರುವ ಒಳನುಸುಳುವಿಕೆ ವಿರೋಧಿ ಕಾರ್ಯಾಚರಣೆಯಲ್ಲಿ ಗುರುವಾರ ಮೂವರು ಭಯೋತ್ಪಾದಕರನ್ನು ಹತ್ಯೆ ಮಾಡಲಾಗಿದೆ ಎಂದು ಸೇನೆ ತಿಳಿಸಿದೆ.

“ಸಂಭಾವ್ಯ ಒಳನುಸುಳುವಿಕೆ ಸಾಧ್ಯತೆಗಳ ಬಗ್ಗೆ ಗುಪ್ತಚರ ಮಾಹಿತಿಯ ಆಧಾರದ ಮೇಲೆ, ಭಾರತೀಯ ಸೇನೆ ಮತ್ತು ಜಮ್ಮು ಕಾಶ್ಮೀರ ಪೊಲೀಸರು ಜಂಟಿ ಕಾರ್ಯಾಚರಣೆಯನ್ನು ಆ.28ರ ಆಗಸ್ಟ್ 24 ರ ಮಧ್ಯರಾತ್ರಿ ತಂಗ್‌ಧರ್, ಕುಪ್ವಾರದಲ್ಲಿ ಪ್ರಾರಂಭಿಸಿದರು” ಎಂದು ಸೇನೆಯು ತಿಳಿಸಿದೆ.

“ಕೆಟ್ಟ ವಾತಾವರಣದಲ್ಲಿ ಅನುಮಾನಾಸ್ಪದ ಚಲನೆಯನ್ನು ಗಮನಿಸಲಾಯಿತು. ಬಳಿಕ ಪಡೆಯು ಗುಂಡಿನ ದಾಳಿಯಲ್ಲಿ ತೊಡಗಿದೆ; ಇಬ್ಬರು ಭಯೋತ್ಪಾದಕರು ತಟಸ್ಥವಾಗಿರುವ ಸಾಧ್ಯತೆಯಿದೆ” ಎಂದು ಸೇನೆಯ ಸಾಮಾಜಿಕ ಜಾಲತಾಣ ಪೋಸ್ಟ್‌ ನಲ್ಲಿ ಸೂಚಿಸಲಾಗಿದೆ.

ಭಯೋತ್ಪಾದಕರ ಅನುಮಾನಾಸ್ಪದ ಚಲನವಲನಗಳನ್ನು ಗಮನಿಸಿದ ನಂತರ ತಂಗ್‌ಧರ್‌ ನ ಕುಶಾಲ್ ಪೋಸ್ಟ್‌ ನಲ್ಲಿರುವ ತಾಡ್ ಗ್ರಾಮದಲ್ಲಿ ಮತ್ತು ಮಚಿಲ್ ಸೆಕ್ಟರ್‌ ನ ಕುಮ್ಕಾಡಿ ಪೋಸ್ಟ್‌ ನಲ್ಲಿ ಬುಧವಾರ ತಡರಾತ್ರಿ ಎರಡೂ ಕಾರ್ಯಾಚರಣೆಗಳನ್ನು ಪ್ರಾರಂಭಿಸಲಾಯಿತು. ಎರಡೂ ಸ್ಥಳಗಳಲ್ಲಿ ಹುಡುಕಾಟ ಕಾರ್ಯಾಚರಣೆಗಳು ಇನ್ನೂ ನಡೆಯುತ್ತಿವೆ; ಆದಾಗ್ಯೂ, ಕೆಟ್ಟ ಹವಾಮಾನ ಮತ್ತು ಭಾರೀ ಮಳೆಯು ಪ್ರಯತ್ನಗಳಿಗೆ ಅಡ್ಡಿಯಾಗುತ್ತಿದೆ.