ಎಲ್‌ಓಸಿಯಲ್ಲಿ ಪಾಕ್‌ ಗುಂಡಿನ ದಾಳಿ: 22ರ ಭಾರತೀಯ ಯುವಕ ಬಲಿ

ಜಮ್ಮು : ಜಮ್ಮು ಕಾಶ್ಮೀರದ ಪೂಂಚ್‌ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆಯಲ್ಲಿನ ಭಾರತೀಯ ಸೇನೆಯ ಹೊರಠಾಣೆಗಳನ್ನು ಗುರಿ ಇರಿಸಿಕೊಂಡು ಪಾಕ್‌ ಸೈನಿಕರು ಸಣ್ಣ ಮಟ್ಟದ ಶಸ್ತ್ರಾಸ್ತ್ರಗಳಿಂದ ನಡೆಸಿದ ದಾಳಿಗೆ 22 ವರ್ಷ ಪ್ರಾಯದ ಯುವಕನೋರ್ವ ಬಲಿಯಾಗಿದ್ದಾನೆ.

ಪೂಂಚ್‌ ಜಿಲ್ಲೆಯ ಗುಲ್‌ಪುರ – ಬಾಗ್ಯಾಲ್‌ ಧಾರಾ ಪಟ್ಟಿಯಲ್ಲಿನ ಎಲ್‌ಓಸಿಯಲ್ಲಿ ಪಾಕ್‌ ಸೈನಿಕರು ನಸುಕಿನ 12.30ರ ವೇಳೆಗೆ ಗುಂಡಿನ ದಾಳಿ ನಡೆಸಿದರು ಎಂದು ಸೇನಾ ವಕ್ತಾರ ತಿಳಿಸಿದ್ದಾರೆ. 

ಮೃತ ವ್ಯಕ್ತಿಯನ್ನು ಮೊಹಮ್ಮದ್‌ ಇಖಲಾಕ್‌ ಎಂದು ಗುರುತಿಸಲಾಗಿದ್ದು ಆತನು ಕಲ್ಸಾನ್‌ ಮಾಲ್ಟಿ ಬಘಾಲ್‌ ಧಾರಾ ನಿವಾಸಿ ಎಂದು ಗೊತ್ತಾಗಿದೆ. ಗಂಭೀರವಾಗಿ ಗಾಯಗೊಂಡ ಆತ ಸ್ಥಳದಲ್ಲೇ ಸಾವಪ್ಪಿದ ಎಂದು ಸೇನೆಯ ಅಧಿಕಾರಿ ತಿಳಿಸಿದ್ದಾರೆ.