ಜೈ ಜವಾನ್‌, ಜೈ ಕಿಸಾನ್‌ಗೆ “ಜೈ ಅನುಸಂಧಾನ್‌’ಸೇರ್ಪಡೆ

ಹೊಸದಿಲ್ಲಿ: ಮಾಜಿ ಪ್ರಧಾನಿ ಲಾಲ್‌ ಬಹದ್ದೂರ್‌ ಶಾಸ್ತ್ರಿ ಪ್ರಸ್ತಾಪಿಸಿದ ಜೈ ಜವಾನ್‌, ಜೈ ಕಿಸಾನ್‌ ಮತ್ತು ಅಟಲ್‌ ಬಿಹಾರಿ ವಾಜಪೇಯಿ ಪ್ರಸ್ತಾಪಿಸಿದ ಜೈ ವಿಜ್ಞಾನ್‌ ಜೊತೆಗೆ ಪ್ರಧಾನಿ ಮೋದಿ ಅವರು “ಜೈ ಅನುಸಂಧಾನ್‌’ ಅನ್ನು ಸೇರಿಸಿದ್ದಾರೆ. ಜಲಂಧರ್‌ನಲ್ಲಿ ನಡೆಯುತ್ತಿರುವ 106ನೇ ಭಾರತೀಯ ವಿಜ್ಞಾನ ಸಮ್ಮೇಳನದಲ್ಲಿ ಮಾತನಾಡಿದ ಅವರು, ತಂತ್ರಜ್ಞಾನ ಅಭಿವೃದ್ಧಿ ಮತ್ತು ರಾಷ್ಟ್ರ ನಿರ್ಮಾಣದಲ್ಲಿ ವಿಜ್ಞಾನಿಗಳ ಕೊಡುಗೆ ಅತ್ಯಂತ ಮಹತ್ವದ್ದು ಎಂದಿದ್ದಾರೆ. ಭಾರತ ತನ್ನ ಭವಿಷ್ಯ ಸುಭದ್ರಗೊಳಿಸಿಕೊಂಡಿರುವುದೇ ವಿಜ್ಞಾನದಿಂದ. 2018 ಭಾರತದ ವಿಜ್ಞಾನಿಗಳಿಗೆ ಉತ್ತಮ ವರ್ಷವಾ ಗಿತ್ತು. ವೈಮಾನಿಕ ಶ್ರೇಣಿಯ ಜೈವಿಕ ಇಂಧನ, ಅಂಧರಿಗಾಗಿ ದಿವ್ಯ ನಯನ, ಕ್ಯಾನ್ಸರ್‌, ಕ್ಷಯ, ಡೆಂಗ್ಯೂ ಪತ್ತೆಗೆ ಕಡಿಮೆ ವೆಚ್ಚದ ಸಾಧನಗಳನ್ನು ನಾವು ಅಭಿವೃದ್ಧಿಪಡಿಸಿದ್ದೇವೆ ಎಂದು ಅವರು ಹೇಳಿದ್ದಾರೆ.