ಪ್ರಭಾಸ್‌ ಕುಟುಂಬ ಸೇರಿದ ಹೊಸ ಅತಿಥಿ

ತೆಲುಗು ನಟ ಪ್ರಭಾಸ್‌ ಕಾರು ಪ್ರಿಯರು. ಈಗಾಗಲೇ 6 ಕೋಟಿ ರೂ. ಮೌಲ್ಯ ಲ್ಯಾಂಬೋರ್ಗಿನಿ ಜೊತೆ ಹಲವು ಲಕ್ಸುರಿ ಕಾರುಗಳನ್ನು ಹೊಂದಿರುವ ಅವರು ಇದೀಗ ತಮ್ಮ ಕುಟುಂಬಕ್ಕೆ ಹೊಸ ಅತಿಥಿಯನ್ನು ಸೇರಿಸಿಕೊಂಡಿದ್ದಾರೆ.

ರೋಲ್ಸ್‌ ರಾಯ್ಸನ ಫ್ಯಾಂಟಮ್‌ ಕಾರನ್ನು ಖರೀದಿಸಿದ್ದಾರೆ. ಅಂದ ಹಾಗೆ ಈ ಕಾರಿನ ಮೌಲ್ಯ 8-9 ಕೋಟಿ ರೂಪಾಯಿ. ಅದಷ್ಟೇ ಅಲ್ಲದೆ, ಕಾರನ್ನು ಕಸ್ಟಮೈಸ್‌ ಮಾಡಿಸಿರುವ ಪ್ರಭಾಸ್‌, ಅದಕ್ಕೆಂದು 2.5 ಕೋಟಿ ರೂಪಾಯಿ ಖರ್ಚು ಮಾಡಿದ್ದಾರೆಂದು ಮೂಲಗಳು ತಿಳಿಸಿವೆ.

ಸದ್ಯ ಪ್ರಭಾಸ್ ನಟನೆಯ ರಾಧೆ ಶ್ಯಾಮ್ ಸಿನಿಮಾ ಹವಾ ಜೋರಾಗಿದೆ. ಪೋಸ್ಟರ್ ಹಾಗೂ ಹಾಡುಗಳಿಂದಲೇ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ. ಈ ಸಿನಿಮಾದಲ್ಲಿ ಪೂಜಾ ಹೆಗ್ಡೆ ಜೊತೆ ಪ್ರಭಾಸ್ ಹೆಜ್ಜೆ ಹಾಕಿದ್ದಾರೆ. ಸಿನಿಮಾಕ್ಕೆ ರಾಧ ಕೃಷ್ಣ ಕುಮಾರ್ ಆಕ್ಷನ್ ಕಟ್ ಹೇಳಿದ್ದಾರೆ.