ವೈದ್ಯರನ್ನು ಗೌರವಿಸುವುದು ಎಲ್ಲರ ಕರ್ತವ್ಯ

ಅಕ್ಕಿಆಲೂರು: ಪಟ್ಟಣದಲ್ಲಿ ವೈದ್ಯ ದಿನಾಚರಣೆ ಅಂಗವಾಗಿ ಸ್ನೇಹಜೀವಿ ವಿಶ್ವನಾಥ ಹಿರೇಮಠ ಅವರ ಸ್ನೇಹ ಬಳಗದ ಆಶ್ರಯದಲ್ಲಿ ಖಾಸಗಿ ವೈದ್ಯರಿಗೆ ಪಿಪಿಇ ಕಿಟ್‌ ಮತ್ತು ಸೇವಾ ಅಭಿನಂದನಾ ಪ್ರಮಾಣ ಪತ್ರ ವಿತರಿಸಲಾಯಿತು.

ಈ ವೇಳೆ ಜಿಪಂ ಮಾಜಿ ಸದಸ್ಯ ಕೃಷ್ಣಈಳಗೇರ ಮಾತನಾಡಿ, ಮಾನವನ ದೇಹ ಮತ್ತು ಮನಸ್ಸಿಗೆ ಅಂಟಿದ ಕಾಯಿಲೆಗಳನ್ನು ವಾಸಿ ಮಾಡುತ್ತ, ಸಮುದಾಯದ ಆರೋಗ್ಯ ರೇಖೆಯನ್ನು ಕಾಯ್ದುಕೊಳ್ಳುವ ಮಹತ್ವದ ಕಾರ್ಯ ಮಾಡುತ್ತಿರುವ ವೈದ್ಯ ಲೋಕವನ್ನು ಗೌರವಿಸುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ ಎಂದು ಹೇಳಿದರು.

ನಂತರ ಪಟ್ಟಣದ ಎಲ್ಲ ಖಾಸಗಿ ಆಸ್ಪತ್ರೆಗಳಿಗೆ ತೆರಳಿದ ಸ್ನೇಹ ಬಳಗದ ಕಾರ್ಯಕರ್ತರು ವೈದ್ಯರಿಗೆ ಪಿಪಿಇ ಕಿಟ್‌ ಮತ್ತು ಸೇವಾ ಅಭಿನಂದನಾ ಪತ್ರ ನೀಡಿ ಗೌರವಿಸಿದರು. ಈ ಸಂದರ್ಭದಲ್ಲಿ ಸ್ನೇಹ ಬಳಗದ ಪ್ರಕಾಶ ದುರ್ಗದ, ಸಿದ್ಧಲಿಂಗೇಶ ತುಪ್ಪದ, ರಾಮು ಯಳ್ಳೂರ, ಮುತ್ತಪ್ಪ ಮುಚ್ಚಂಡಿ, ಶಿವಬಸಯ್ಯ ಸಾಲಿಮಠ, ವಿಶ್ವನಾಥ ಭಿಕ್ಷಾವರ್ತಿಮಠ, ಸಂತೋಷ ಅಪ್ಪಾಜಿ ಇನ್ನಿತರರು ಹಾಜರಿದ್ದರು.